15 May, 2026 03:00 PM IST | Mumbai | Gujarati Mid-day Correspondent
ચેન્નઈ સુપર કિંગ્સે અંશુલ કમ્બોજની મુલાકાત તેના ડુપ્લિકેટ સાથે કરાવી
ચેન્નઈ સુપર કિંગ્સે યંગ ફાસ્ટ બોલર અંશુલ કમ્બોજનો એક રસપ્રદ વિડિયો શૅર કર્યો છે. આ વિડિયોમાં અંશુલ ચેપૉક સ્ટેડિયમમાં પ્રૅક્ટિસ બાદ તેના ડુપ્લિકેટ સાથે મુલાકાત કરતો જોવા મળ્યો હતો. અંશુલ કમ્બોજનો આ ડુપ્લિકેટ તામિલનાડુના નવા મુખ્ય પ્રધાન વિજયના શપથગ્રહણ સમારોહથી વાઇરલ થયો હતો.
રવિચન્દ્રન અશ્વિને ૧૦ મેના દિવસે સોશ્યલ મીડિયા પર શપથગ્રહણ સમારોહમાં સુરક્ષા-અધિકારી તરીકે સ્ટેજ પર ફરજ બજાવતા જવાનનો ફોટો શૅર કરીને લખ્યું હતું કે ‘આજે લખનઉ સામે મોટી મૅચ છે, ટૅક્સી લઈને ઝડપથી ચેપૉક સ્ટેડિયમ પહોંચ.’
અશ્વિનની એ પોસ્ટને કારણે અંશુલ કમ્બોજને પણ પોતાના આ ડુપ્લિકેટ વિશેના ઘણા મેસેજ સોશ્યલ મીડિયા પર મળ્યા હતા.
