ઇંગ્લૅન્ડના ટેસ્ટ-કૅપ્ટન બેન સ્ટોક્સની આંખની સર્જરી રહી સફળ

આ ઑલરાઉન્ડરે હાલમાં લંડનમાં આંખની સફળ સર્જરી કરાવી છે

તસવીર સૌજન્યઃ સોશ્યલ મીડિયા

આ મહિનાની શરૂઆતમાં ક્રિકેટ બૉલ વાગ્યા બાદ ઇંગ્લૅન્ડના ટેસ્ટ કૅપ્ટન બેન સ્ટોક્સની જમણી આંખ પર ગંભીર ઇન્જરી થઈ હતી. ૩૪ વર્ષના આ ઑલરાઉન્ડરે હાલમાં લંડનમાં આંખની સફળ સર્જરી કરાવી છે.

અહેવાલ અનુસાર એક ઇન્ડોર ક્રિકેટ સેન્ટરમાં ઍકૅડેમીના ખેલાડીઓને કોચિંગ આપતી વખતે તેના ચહેરા પર બૉલ વાગ્યો હતો. તેણે ગઈ કાલે સર્જરી બાદના ચહેરાનો ફોટો શૅપ કરીને લખ્યું કે ચહેરો જોઈને નથી લાગતું પરંતુ સર્જરી સફળ રહી છે. બેન સ્ટોક્સે ઇન્જરી સમયે પણ ચહેરાનો ફોટો શૅર કરીને રમૂજી અંદાજમાં અપડેટ આપી હતી.