રાંચીમાં ક્રિકેટ-ફૅન્સે બૂમ પાડીને ગૌતમ ગંભીરને કહ્યું...

30 November, 2025 03:50 PM IST  |  Mumbai | Gujarati Mid-day Correspondent

ન્યુ ઝીલૅન્ડ-સાઉથ આફ્રિકા કો ઘર મેં નહીં હરા સકતે તો કોચિંગ છોડ દો, ૨૦૨૭ કા વર્લ્ડ કપ ભૂલ જાઓ

ગૌતમ ગંભીર

સાઉથ આફ્રિકા સામેની રાંચી વન-ડે મૅચ પહેલાં હેડ કોચ ગૌતમ ગંભીરની ટ્રોલિંગનો એક જબરદસ્ત વિડિયો વાઇરલ થયો હતો. ઝારખંડ સ્ટેટ ક્રિકેટ અસોસિએશનના મેદાન પર પ્લેયર્સના પ્રૅક્ટિસ-સેશન જોવા આવેલા કેટલાક ક્રિકેટ ફૅન્સે સ્ટૅન્ડમાંથી બૂમો પાડીને કહ્યું હતું કે ‘ઘરઆંગણે ન્યુ ઝીલૅન્ડ સામે ૦-૩થી અને પછી સાઉથ આફ્રિકા સામે ૦-૨થી હારી ગયા. તમે કોચિંગ છોડી દો. ઘરઆંગણે સાઉથ આફ્રિકાને હરાવી શકતા નથી તો ૨૦૨૭નો વર્લ્ડ કપ ભૂલી જજો.’

આવા શાબ્દિક પ્રહાર કરનાર ફૅન્સ તરફ ગૌતમ ગંભીરનું ધ્યાન ગયું હતું, પરંતુ અધવચ્ચેથી તેણે સપોર્ટ-સ્ટાફના પ્લેયર સાથે વૉર્મઅપ કરવાનું શરૂ કરી દીધું હતું. ગુવાહાટીમાં કારમી ટેસ્ટ-મૅચ હાર્યા બાદ સ્ટેડિયમમાં ‘ગૌતમ ગંભીર હાય હાય’ના નારા લાગ્યા હતા. રોહિત શર્મા અને વિરાટ કોહલીના ટેસ્ટ-રિટાયરમેન્ટ માટે પણ ગૌતમ ગંભીરને જવાબદાર માનીને લોકો તેને ટ્રોલ કરી રહ્યા છે.

gautam gambhir test cricket south africa indian cricket team cricket news sports news ranchi