હાર્દિક પંડ્યા-માહિકા શર્મા બન્યાં સુરતનાં મહેમાન

ઍરપોર્ટ પર બન્ને એકબીજાનો હાથ પકડીને સુરતમાં એન્ટ્રી મારતાં જોવા મળ્યાં હતાં

તસવીર સૌજન્યઃ સોશ્યલ મીડિયા

ભારતના સ્ટાર ઑલરાઉન્ડર હાર્દિક પંડ્યા અને તેની ગર્લફ્રેન્ડ માહિકા શર્મા ગઈ કાલે સુરતમાં જોવા મળ્યાં હતાં. હાર્દિક પંડ્યાના નજીકના પરિવારના સગાઈ-સમારોહમાં આ કપલ આકર્ષણનું કેન્દ્ર બન્યું હતું. ઍરપોર્ટ પર બન્ને એકબીજાનો હાથ પકડીને સુરતમાં એન્ટ્રી મારતાં જોવા મળ્યાં હતાં.

વિજય હઝારે ટ્રોફી માટે હાર્દિક પંડ્યા બરોડાની સ્ક્વૉડનો પણ ભાગ છે. બુધવારે બરોડાએ કૃણાલ પંડ્યાના નેતૃત્વમાં આસામ સામે ૨૮૩ રનનો ટાર્ગેટ ચેઝ કરીને પાંચ વિકેટે વિજયી શરૂઆત કરી હતી. પહેલી મૅચમાં હાજર ન રહેલો હાર્દિક પંડ્યા આ ટુર્નામેન્ટની કઈ મૅચોમાં રમશે એની હજી પુષ્ટિ થઈ નથી. બરોડાની ટીમ પોતાની મોટા ભાગની લીગ મૅચ સૌરાષ્ટ્રમાં રમશે.