T20 વર્લ્ડ કપ જીતવાની ખુશીમાં હાર્દિક પંડ્યાએ ખરીદી લગભગ ૧૦ કરોડ રૂપિયાની ફેરારી

આ કારમાં ૧૨ સિલિડર એન્જિન હોવાથી ઇટાલિયન ભાષામાં એની પાછળ ૧૨-સિલિન્ડ્રી નામ રાખવામાં આવ્યું છે.

તસવીર સૌજન્યઃ સોશ્યલ મીડિયા

ટીમ ઇન્ડિયાના ઑલરાઉન્ડર હાર્દિક પંડ્યાએ T20 વર્લ્ડ કપ જીતવાની ખુશીમાં પોતાની જાતને એક શાનદાર કારની ભેટ આપી છે. હાલમાં તે પોતાની નવી ફેરારી ૧૨-સિલિન્ડ્રી કારમાં બેસીને ગર્લફ્રેન્ડ માહિકા શર્મા સાથે મુંબઈની તાજ લૅન્ડ્સ એન્ડ હોટેલમાં જતો જોવા મળ્યો હતો.

અહેવાલો અનુસાર આ શાનદાર કારની કિંમત ૮.૫૦ કરોડથી ૯.૧૫ કરોડ રૂપિયા સુધીની છે. આ કારમાં ૧૨ સિલિડર એન્જિન હોવાથી ઇટાલિયન ભાષામાં એની પાછળ ૧૨-સિલિન્ડ્રી નામ રાખવામાં આવ્યું છે.