આ ઇવેન્ટ લાખો ચાહકો અને વિશ્વભરના શ્રેષ્ઠ ખેલાડીઓને એકત્ર કરશે.
૧૨ ટીમની કૅપ્ટન્સ અને વર્લ્ડ કપની ટ્રોફી સાથે જય શાહ.
વિમેન્સ T20 વર્લ્ડ કપ 2026 પહેલાં ગઈ કાલે ઇંગ્લૅન્ડમાં ૧૨ ટીમની કૅપ્ટન વચ્ચે કૅપ્ટન્સ કાર્નિવલ યોજાયો હતો. આ ઇવેન્ટમાં ટ્રોફી-ફોટોશૂટ અને રમૂજી રમતોનું આયોજન કરવામાં આવ્યું હતું. આ ઇવેન્ટને કારણે વૉર્મ-અપ મૅચ શેડ્યુલમાં આજે બ્રેક રાખવામાં આવ્યો હતો. કૅપ્ટન્સ કાર્નિવલમાં હાજર રહેલા ICCના ચૅરમૅન જય શાહે કહ્યું કે ‘અત્યાર સુધીના સૌથી મોટા ICC મહિલા T20 વર્લ્ડ કપ માટે તમામ ૧૨ ટીમને શુભકામના. ઇંગ્લૅન્ડ ઍન્ડ વેલ્સનાં પ્રતિષ્ઠિત સ્ટેડિયમોમાં રેકોર્ડબ્રેક ભીડ અને મહિલા ઇવેન્ટ માટે અત્યાર સુધીના સૌથી મોટા વૈશ્વિક પ્રસારણ સાથે આ એક યાદગાર ટુર્નામેન્ટ હશે એવી આશા. આ ઇવેન્ટ લાખો ચાહકો અને વિશ્વભરના શ્રેષ્ઠ ખેલાડીઓને એકત્ર કરશે.’
