આજથી વિમેન્સ T20 વર્લ્ડ કપની વૉર્મ-અપ મૅચો શરૂ થશે

૧૨ ટીમો વચ્ચે ૧૨ વૉર્મ-અપ મૅચો ડર્બી, લૉફબોરો અને કાર્ડિફ જેવા ત્રણ વેન્યુ પર રમાશે

ફાઇલ તસવીર

ઇંગ્લૅન્ડ ઍન્ડ વેલ્સમાં ૧૨ જૂનથી પાંચમી જુલાઈ સરમ્યાન ૧૨ ટીમો વચ્ચે વિમેન્સ T20 વર્લ્ડ કપ 2026 રમાશે. ટ્રોફી જીતવાની રેસ શરૂ થાય એ પહેલાં ૧૨ ટીમો આજે ૬ જૂનથી ૧૦ જૂન વચ્ચે વૉર્મ-અપ મૅચમાં ટુર્નામેન્ટની તૈયારીઓ કરશે. ૧૨ ટીમો વચ્ચે ૧૨ વૉર્મ-અપ મૅચો ડર્બી, લૉફબોરો અને કાર્ડિફ જેવા ત્રણ વેન્યુ પર રમાશે.

આજે પહેલા દિવસે ટુર્નામેન્ટની ૮ ટીમો ચાર વૉર્મ-અપ રમવા માટે મેદાન પર ઊતરશે. ૭ જૂને બ્રેક હશે જ્યારે ૮ જૂને બે, ૯ જૂને ચાર અને ૧૦ જૂને બે વૉર્મ-અપ મૅચ રમાશે. ભારતીય ટીમ કાર્ડિફમાં ૮ જૂને વેસ્ટ ઇન્ડીઝ સામે અને ૧૦ જૂને ઇંગ્લૅન્ડ સામે ટકરાશે. ભારતીય સમય અનુસાર આ બન્ને મૅચ બપોરે ૨.૩૦ વાગ્યે શરૂ થશે.