આજે અપરાજિત ટીમો વચ્ચે પહેલી વાર જામશે અન્ડર-19 વિમેન્સ T20 વર્લ્ડ કપનો ફાઇનલ જંગ

પહેલી વાર બે અપરાજિત ટીમ વચ્ચે આ ટુર્નામેન્ટની ફાઇનલ રમાશે. પહેલી સીઝનની બે ફાઇનલિસ્ટ ટીમમાંથી ભારતીય ટીમ પહેલાં એક મૅચ હારી ચૂકી હતી.

બન્ને કૅપ્ટન્સે ટ્રોફી સાથે કરાવ્યું ફોટોશૂટ.

મલેશિયામાં આયોજિત અન્ડર-19 વિમેન્સ T20 વર્લ્ડ કપ 2025ની આજે ફાઇનલ મૅચ રમાશે. ભારતીય સમય અનુસાર બપોરે ૧૨ વાગ્યાથી ભારત અને સાઉથ આફ્રિકાની ફાઇનલ મૅચનો જંગ જામશે. આ મૅચનો આનંદ સ્ટાર સ્પોર્ટ્સ નેટવર્ક અને ડિઝની+ હૉટસ્ટાર પર માણી શકાશે. ભારત માટે સતત બીજી વાર અને સાઉથ આફ્રિકા પાસે પહેલી વાર આ ટ્રોફી જીતવાની તક છે. બન્ને ટીમ ટુર્નામેન્ટની આ બીજી સીઝનમાં અજેય રહી છે. પહેલી વાર બે અપરાજિત ટીમ વચ્ચે આ ટુર્નામેન્ટની ફાઇનલ રમાશે. પહેલી સીઝનની બે ફાઇનલિસ્ટ ટીમમાંથી ભારતીય ટીમ પહેલાં એક મૅચ હારી ચૂકી હતી.