ભારતે શ્રીલંકન મહિલાઓને સતત ત્રીજી T20માં હરાવીને સિરીઝ જીતી લીધી

ઓપનર શફાલી વર્માના ૪૨ બૉલમાં ૭૯ રન, બોલિંગમાં રેણુકા સિંહ ઠાકુર અને દીપ્તિ શર્માનો તરખાટ, ગઈ કાલે કેરલાના તિરુવનંતપુરમમાં રમાયેલી T20 મૅચમાં ભારતીય મહિલાઓએ શ્રીલંકાને ૮ વિકેટથી હરાવીને પાંચ મૅચની સિરીઝ ૩-૦થી જીતી લીધી છે.

ભારતે શ્રીલંકન મહિલાઓને સતત ત્રીજી T20માં હરાવીને સિરીઝ જીતી લીધી

ગઈ કાલે કેરલાના તિરુવનંતપુરમમાં રમાયેલી T20 મૅચમાં ભારતીય મહિલાઓએ શ્રીલંકાને ૮ વિકેટથી હરાવીને પાંચ મૅચની સિરીઝ ૩-૦થી જીતી લીધી છે. શ્રીલંકાએ ગઈ કાલે ૨૦ ઓવરમાં ૭ વિકેટે માત્ર ૧૧૨ રન કર્યા હતા. રેણુકા સિંહ ઠાકુરે ૪ અને દીપ્તિ શર્માએ ૩ વિકેટ લઈને તરખાટ મચાવ્યો હતો. ભારતીય મહિલાઓએ માત્ર ૧૩.૨ ઓવરમાં ૧૧૫ રન કરીને મૅચ જીતી લીધી હતી. આ સ્કોરમાં એકલી શફાલી વર્માના ૭૯ હતા, જે તેણે માત્ર ૪૨ બૉલમાં ૩ સિક્સ અને ૧૧ ફોરની મદદથી બનાવ્યા હતા. શફાલી અને હરમનપ્રીત કૌર (૧૮ બૉલમાં ૨૧) અણનમ રહ્યાં હતાં. સ્મૃતિ માન્ધના (૧) અને જેમિમા રૉડ્રિગ્સ (૯) ગઈ કાલે ફ્લૉપ રહ્યાં હતાં.