05 May, 2026 01:57 PM IST | New Delhi | Gujarati Mid-day Correspondent
લુન્ગી ઍન્ગિડી
સાઉથ આફ્રિકન ફાસ્ટ બોલર લુન્ગી ઍન્ગિડી ચોંકાવનારી ઇન્જરી બાદ IPL 2026માં કમબૅક કરવા માટે તૈયાર છે. અરુણ જેટલી સ્ટેડિયમમાં જ પચીસ એપ્રિલે પંજાબ કિંગ્સ સામે ફીલ્ડિંગ દરમ્યાન ગરદન અને ખભાના ભાગે ઇન્જરી થતાં લુન્ગી ઍન્ગિડીને ઍમ્બ્યુલન્સથી તાત્કાલિક હૉસ્પિટલ લઈ જવાની ફરજ પડી હતી.
ગઈ કાલે દિલ્હી કૅપિટલ્સના બોલિંગ કોચ મુનાફ પટેલે કહ્યું કે ‘લુન્ગી ઍન્ગિડી રમવા માટે ફિટ છે. ૬ દિવસના આરામને કારણે તે બે મૅચ રમી શક્યો નથી.’
લુન્ગી ઍન્ગિડીની હાજરીથી મિચલ સ્ટાર્ક, ટી. નટરાજન સહિતના દિલ્હીના ફાસ્ટ બોલિંગ-યુનિટને વધુ મજબૂતાઈ મળશે.
૨૦૧૮થી IPLમાં લુન્ગી ઍૅન્ગિડી પહેલી ત્રણ સીઝન ચેન્નઈ, છેલ્લી સીઝન બૅન્ગલોર અને વર્તમાન સીઝનમાં દિલ્હી માટે રમી રહ્યો છે. હમણાં સુધી ૨૩ મૅચમાં તેણે ૮.૫૭ના ઇકૉનૉમી-રેટથી ૩૬ વિકેટ લીધી છે. વર્તમાન સીઝનની ૬ ઇનિંગ્સમાં તેણે ૭ વિકેટ લીધી છે. ૩૦ વર્ષનો આ ખેલાડી દિલ્હી માટે બે કરોડ રૂપિયામાં રમી રહ્યો છે.
