23 February, 2026 10:45 AM IST | Chennai | Gujarati Mid-day Correspondent
IPL 2026માં રમવા માટે ફિટ થવા મહેન્દ્ર સિંહ ધોનીએ પ્રૅક્ટિસ શરૂ કરી દીધી છે
CSK અને ખાસ કરીને મહેન્દ્ર સિંહ ધોનીના ચાહકો માટે ગઈ કાલે એક ખુશીના સમાચાર આવ્યા હતા. ઇન્ડિયન પ્રીમિયર લીગ (IPL)ની છેલ્લી બે-ત્રણ સીઝનમાં દરેક વખતે ધોનીની આ છેલ્લી સીઝન છે એવી વાતો થતી રહે છે અને ચાહકો પણ તેના લાડકા ખેલાડીને વધાવવા માટે મેદાનમાં ઊમટી પડતા હોય છે. આ વખતે પણ ઘણા સમયથી ચર્ચા ચાલી રહી હતી કે ગઈ સીઝનના ફ્લૉપ શો બાદ ધોની કદાચ આ વખતે ખેલાડી તરીકે મેદાનમાં નહીં ઊતરે, પણ ગઈ કાલે ચેન્નઈ ફ્રૅન્ચાઇઝીના CEO કાશી વિશ્વનાથે કરોડો ચાહકોને ખુશ કરતાં કન્ફર્મ કર્યું હતું કે ધોની IPL ૨૦૨૬માં રમશે.
જોકે ચેન્નઈએ બૅક-અપ વિકેટકીપર તરીકે સંજુ સૅમસનને રાજસ્થાનમાંથી ટ્રેડ કર્યો હોવાથી ચાહકોને હજી આશંકા છે કે ઉંમર અને ઘૂંટણના દરદને જોતાં કદાચ એ બધી જ મૅચ નહીં રમે.
