કિંગ ખાનની ટીમ સામે ૨૧ વર્ષનો મુકુલ ચૌધરી બન્યો લખનઉની દિલધડક જીતનો રિયલ બાજીગર

કલકત્તાએ આપેલા ૧૮૨ રનના ટાર્ગેટને લખનઉ અંતિમ બૉલમાં ચેઝ કરીને ૩ વિકેટે જીત્યું, અંતિમ ૩ ઓવરમાં ૪૩ રનની ચેઝ શક્ય બનાવી દીધી મુકુલ ચૌધરીએ

મુકુલ ચૌધરી

ઈડન ગાર્ડન્સમાં ગઈ કાલે કોલકાતા નાઇટ રાઇડર્સે ૪ પ્લેયર્સની મહત્ત્વપૂર્ણ ઇનિંગ્સની મદદથી ૪ વિકેટે ૧૮૧ રન કર્યા હતા. જવાબમાં લખનઉએ ઇમ્પૅક્ટ પ્લેયર આયુષ બદોનીની ફિફ્ટીના આધારે ૨૦ ઓવરમાં ૭ વિકેટ ગુમાવીને ૧૮૨ રન કર્યા હતા. લખનઉ માટે સાતમા ક્રમે રમનાર ૨૧ વર્ષનો મુકુલ ચૌધરી ૨૦૦ના સ્ટ્રાઇક-રેટથી ૫૪ રનની મૅચવિનિંગ ઇનિંગ્સ રમ્યો હતો. ચાર મૅચમાં કલકત્તાની આ ત્રીજી હાર છે. ટીમને એકમાત્ર પૉઇન્ટ મૅચ રદ થવાને કારણે મળ્યો હતો. લખનઉએ ત્રણ મૅચમાં બૅક-ટુ-બૅક બીજી જીત નોંધાવી હતી.

IPL પૉઇન્ટ્સ ટેબલ
ટીમ	મૅચ	જીત	હાર	નો-રિઝલ્ટ	નેટ રનરેટ	પૉઇન્ટ
રાજસ્થાન	૩	૩	૦	૦	૨.૪૦૩	૬
પંજાબ	૩	૨	૦	૧	૦.૬૩૭	૫
બૅન્ગલોર	૨	૨	૦	૦	૨.૫૦૧	૪
દિલ્હી	૩	૨	૧	૦	૦.૮૧૧	૪
લખનઉ	૩	૨	૧	૦	-૦.૩૫૯	૪
હૈદરાબાદ	૩	૧	૨	૦	૦.૨૭૫	૨
ગુજરાત	૩	૧	૨	૦	-૦.૨૭૦	૨
મુંબઈ	૩	૧	૨	૦	-૦.૭૧૫	૨
કલકત્તા	૪	૦	૩	૧	-૧.૩૧૫	૧
ચેન્નઈ	૩	૦	૩	૦	-૨.૫૧૭	૦

રન-ચેઝ દરમ્યાન લખનઉના ઇમ્પૅક્ટ પ્લેયર આયુષ બદોનીએ સૌથી વધુ રન કર્યા હતા. તેણે ૭ ફોર અને બે સિક્સની મદદથી ૩૪ બૉલમાં ૫૪ રન કર્યા હતા. છેલ્લી ત્રણ ઓવરમાં જીતવા માટે ૪૩ રનની જરૂર હતી અને ૩ વિકેટ બાકી હતી ત્યારે સાતમા ક્રમે રમી રહેલો મુકુલ ચૌધરી જોરદાર ઇનિંગ્સ રમ્યો હતો. તેણે ૨૭ બૉલમાં બે ફોર અને ૭ સિક્સની મદદથી ૫૪ રન કર્યા હતા.