બંગલાદેશ અને ન્યુ ઝીલૅન્ડ વચ્ચે સતત બીજી T20 સિરીઝ રહી ડ્રૉ

ગઈ કાલે યજમાન બંગલાદેશ સામે ત્રીજી T20 મૅચ ૬ વિકેટે જીતીને ન્યુ ઝીલૅન્ડે સિરીઝ ૧-૧થી ડ્રૉ કરી હતી. મીરપુરમાં વરસાદથી પ્રભાવિત આ મૅચ ૧૫-૧૫ ઓવરની થઈ હતી. બંગલાદેશની ટીમ ૧૪.૨ ઓવરમાં ૧૦૨ રનના સ્કોર પર ઑલઆઉટ થઈ હતી. ન્યુ ઝીલૅન્ડે ૧૧.૪ ઓવરમાં ૪ વિકેટે ૧૦૪ રન કરીને જીત નોંધાવી હતી.

સિરીઝની પહેલી મૅચ બંગલાદેશે ૧૮૩ રનનો ટાર્ગેટ ચેઝ કરીને ૬ વિકેટે જીતી હતી. ૨૯ એપ્રિલે વરસાદને કારણે બીજી મૅચ રદ રહી હતી. અગાઉ બન્ને ટીમની ૨૦૨૩ની ત્રણ મૅચની સિરીઝ પણ ૧-૧થી ડ્રૉ રહી હતી. એ સમયે પણ બીજી મૅચ વરસાદને કારણે રદ થઈ હતી. ૨૦૨૩ પહેલાં બંગલાદેશ સામેની ત્રણ સિરીઝમાંથી બે સિરીઝ ન્યુ ઝીલૅન્ડ જીત્યું હતું.