06 July, 2026 11:53 AM IST | Washington | Gujarati Mid-day Correspondent
પ્રતીકાત્મક તસવીર
અમેરિકામાં આયોજિત મેજર લીગ ક્રિકેટ 2026માં રોમાંચક પૉઇન્ટ્સ ટેબલ જોવા મળ્યું છે. ગઈ કાલે ચોથી સીઝનની ૧૮મી મૅચમાં લૉસ ઍન્જલસ નાઇટ રાઇડર્સના ૧૭૩/૫ના સ્કોર સામે ટેક્સસ સુપર કિંગ્સે ૧૦.૪ ઓવરમાં ૫૯ રનમાં ત્રણ વિકેટ ગુમાવી દીધી હતી. રોવમૅન પૉવેલના ૨૭ બૉલમાં ૭૩ રનની મદદથી આ ટીમે ૧૮.૪ ઓવરમાં ૧૭૫-૪નો સ્કોર કરીને ૧૭૪ રનનો ટાર્ગેટ ચેઝ કરી લીધો હતો.
આ ૧૮મી મૅચ બાદ ભાગ્યે જ જોવા મળે એવું પૉઇન્ટ્સ ટેબલ જોવા મળ્યું. લીગની ૬ ટીમો પાસે એકસરખા ૬ પૉઇન્ટ્સ હતા. બે ટીમોએ પાંચ, બે ટીમોએ ૬ અને બે ટીમોએ ૭ મૅચ રમી હોવા છતાં તમામ ૩-૩ મૅચમાં જ જીત નોંધાવી શકી હતી. સૅન ફ્રાન્સિસ્કો ટીમ +૦.૪૮૯ના નેટ રનરેટને કારણે પૉઇન્ટ્સ ટેબલમાં પહેલા ક્રમે છે.
પાંચ કે એથી વધુ ટીમોની લીગમાં અગાઉ આવી ઘટના બે વખત બની છે. ૨૦૨૨-’૨૩માં સાઉથ આફ્રિકાની SA20માં ૧૨ મૅચ પછી તમામ ટીમના ૪-૪ પૉઇન્ટ્સ હતા. ૨૦૨૩માં ૧૦ મૅચમાં લંકા પ્રીમિયર લીગમાં તમામ ટીમોના એક જેવા ૪-૪ પૉઇન્ટ્સ હતા.
