ન્યુ ઝીલૅન્ડની મેલી કેર બની વિમેન્સ ક્રિકેટર ઑફ ધ યર

આજ સુધી કોઈ પુરુષ કિવી ક્રિકેટર પણ નથી જીતી શક્યો આ અવૉર્ડ

મેલી કેર

ન્યુ ઝીલૅન્ડની ૨૪ વર્ષની ઑલરાઉન્ડર મેલી કેરે ઇતિહાસ રચ્યો છે. તે ICC વિમેન્સ ક્રિકેટર ઑફ ધ યર ૨૦૨૪ અવૉર્ડ જીતનાર ન્યુ ઝીલૅન્ડની પહેલી મહિલા ક્રિકેટર બની છે. મોટી વાત એ છે કે ન્યુ ઝીલૅન્ડ તરફથી કોઈ પુરુષ ક્રિકેટર પણ ક્યારેય ક્રિકેટર ઑફ ધ યરનો અવૉર્ડ જીતી શક્યો નથી.

ભારતની સ્મૃતિ માન્ધના (૨૦૧૮ અને ૨૦૨૧) બે વાર આ ટ્રોફી જીતી ચૂકી છે. મેલી કેર ICC વિમેન્સ T20 ક્રિકેટર ઑફ ધ યર ૨૦૨૪નો અવૉર્ડ પણ જીતી છે.

૨૦૨૪માં ન્યુ ઝીલૅન્ડની મેલી કેરનું પ્રદર્શન કેવું રહ્યું? 
૨૦૨૪માં મેલી કેરે ૯ વન-ડે મૅચમાં ૨૬૪ રન કરવાની સાથે ૧૪ વિકેટ લીધી હતી, જ્યારે ૧૮ T20 મૅચમાં તેણે ૩૮૭ રન ખડકીને ૨૯ વિકેટ લીધી હતી. તેના આ શાનદાર આંકડાને કારણે જ તે આ પ્રતિષ્ઠિત અવૉર્ડની હકદાર બની છે. તેણે હજી ઇન્ટરનૅશનલ ટેસ્ટ ક્રિકેટમાં ડેબ્યુ કર્યું નથી.