16 July, 2026 10:22 AM IST | Birmingham | Gujarati Mid-day Correspondent
ધોની રેડિયો-રિસીવર પહેરીને મૅચના દરેક બૉલની અપડેટ અને કૉમેન્ટરી સાંભળી રહ્યો હતો
ભારતનો ભૂતપૂર્વ કૅપ્ટન મહેન્દ્ર સિંહ ધોની મંગળવારે ભારત અને ઇંગ્લૅન્ડ વચ્ચેની વન-ડે મૅચ જોવા પહોંચ્યો હતો. તેની સાથે તેની પત્ની સાક્ષી ધોની, ઍક્ટ્રેસ ક્રિતી સૅનન અને તેનો બૉયફ્રેન્ડ કબીર બહિયા પણ સ્ટેન્ડ્સમાં હાજર રહ્યાં હતાં.
ધોની રેડિયો-રિસીવર પહેરીને મૅચના દરેક બૉલની અપડેટ અને કૉમેન્ટરી સાંભળી રહ્યો હતો. એક નાનકડા ફૅને જ્યારે પૉપકૉર્ન ખાવાની ઑફર કરી ત્યારે ધોનીએ સહજતાથી અેનો સ્વીકાર કર્યો હતો. બિગ સ્ક્રીન પર આ દૃશ્યો જોઈને સ્ટેડિયમમાં હાજર દર્શકોએ તાળીઓ પણ પાડી હતી.
ધોની આ વર્ષે ભારતીય ટીમની મૅચોમાં સતત જોવા મળી રહ્યો છે. આ પહેલાં માર્ચ મહિનામાં T20 વર્લ્ડ કપ સેમી-ફાઇનલમાં અને ફાઇનલમાં જોવા મળ્યો હતો. હાલમાં જ ટ્રેન્ટ બ્રિજના મેદાન પર તેણે ભારત અને ઇંગ્લૅન્ડ વચ્ચેની ત્રીજી T20 મૅચ નિહાળી હતી.
