T20 વર્લ્ડ કપની અધવચ્ચે ન્યુ ઝીલૅન્ડનો લૉકી ફર્ગ્યુસન બન્યો દીકરાનો પપ્પા

સુપર 8 રાઉન્ડ દરમ્યાન તે ન્યુ ઝીલૅન્ડની T20 વર્લ્ડ કપ સ્ક્વૉડમાં ફરી સામેલ થશે. વર્તમાન વર્લ્ડ કપની ૩ મૅચમાં તેણે ૪ વિકેટ ઝડપી છે. 

લૉકી ફર્ગ્યુસન

ન્યુ ઝીલૅન્ડના ફાસ્ટ બોલર લૉકી ફર્ગ્યુસને T20 વર્લ્ડ કપ 2026ની અધવચ્ચે ગુડ ન્યુઝ શૅર કર્યા છે. ૩૪ વર્ષના લૉકી ફર્ગ્યુસનની પત્ની એમાએ હાલમાં દીકરાને જન્મ આપ્યો છે. ફેબ્રુઆરી ૨૦૨૪માં લગ્ન કરનાર આ કપલે પોતાના પહેલા સંતાનને બો ફર્ગ્યુસન નામ આપીને તેની સાથેના ક્યુટ ફોટો પણ શૅર કર્યા હતા.

૧૪ ફેબ્રુઆરીએ સાઉથ આફ્રિકા સામેની ગ્રુપ-સ્ટેજ મૅચ રમ્યા બાદ લૉકી ફર્ગ્યુસન પહેલા સંતાનના જન્મ પહેલાં પત્ની અને ફૅમિલી સાથે જોડાવા ભારતથી ન્યુ ઝીલૅન્ડ પાછો ફર્યો હતો. સુપર 8 રાઉન્ડ દરમ્યાન તે ન્યુ ઝીલૅન્ડની T20 વર્લ્ડ કપ સ્ક્વૉડમાં ફરી સામેલ થશે. વર્તમાન વર્લ્ડ કપની ૩ મૅચમાં તેણે ૪ વિકેટ ઝડપી છે.