ન્યુ ઝીલૅન્ડે પાંચ વન-ડે મૅચની સિરીઝમાં કૅરિબિયનો સામે ૨-૧થી લીડ મેળવી

ત્રીજી મૅચમાં ૧૪૧ રનનો ટાર્ગેટ ૬૩ બૉલ પહેલાં ચેઝ કરીને ૬ વિકેટે જીત્યા કિવીઓ, ન્યુ ઝીલૅન્ડે બીજી મૅચમાં પાંચ વિકેટ અને ત્રીજી મૅચમાં ૬ વિકેટની જીત સાથે ૨-૧થી સિરીઝમાં લીડ મેળવી લીધી છે. બાકીની બે મૅચ ૧૯ જુલાઈ અને ૨૨ જુલાઈએ રમાશે.

૧૦ ઓવરમાં બાવન આપીને ૪ વિકેટ લેનાર કિવી સ્પિનર જેડેન લેનૉક્સ બન્યો હતો પ્લેયર ઑફ ધ મૅચ.

વેસ્ટ ઇન્ડીઝ સામે પહેલી વન-ડે મૅચ ૭ વિકેટે હાર્યા બાદ બૅક-ટુ-બૅક મૅચ જીતીને ન્યુ ઝીલૅન્ડે પાંચ વન-ડે મૅચની સિરીઝમાં શાનદાર કમબૅક કર્યું છે. ન્યુ ઝીલૅન્ડે બીજી મૅચમાં પાંચ વિકેટ અને ત્રીજી મૅચમાં ૬ વિકેટની જીત સાથે ૨-૧થી સિરીઝમાં લીડ મેળવી લીધી છે. બાકીની બે મૅચ ૧૯ જુલાઈ અને ૨૨ જુલાઈએ રમાશે.  
ત્રીજી વન-ડે મૅચમાં યજમાન વેસ્ટ ઇન્ડીઝે ૩૭. ૧ ઓવરમાં તમામ વિકેટ ૧૪૦ રનના સ્કોર પર ગુમાવી દીધી હતી. જવાબમાં ન્યુ ઝીલૅન્ડે ૩૯. ૩ ઓવરમાં ૪ વિકેટના નુકસાન સાથે ૧૪૧ રનનો ટાર્ગેટ ચેઝ કરી લીધો હતો.  સ્પિનર જેડેન લેનૉક્સ બીજી મૅચમાં પાંચ વિકેટ અને ત્રીજી મૅચમાં ચાર વિકેટ લઈને બૅક-ટુ-બૅક પ્લેયર ઑફ ધ મૅચ અવૉર્ડ જીત્યો હતો.