29 November, 2022 02:13 PM IST | Mumbai | Gujarati Mid-day Correspondent
સિતાંશુ કોટક
સૌરાષ્ટ્રના પીઢ બૅટર સિતાંશુ કોટકને બંગલાદેશના પ્રવાસમાં ઇન્ડિયા ‘એ’ ટીમના કોચ તરીકે નિયુક્ત કરવામાં આવ્યો છે. તેઓ બૅન્ગલોરની એનસીએમાં બૅટિંગ-કોચ છે અને હવે તેમને નવી જવાબદારી સોંપાઈ છે. તેમણે બે દાયકાની લાંબી કરીઅરમાં ફર્સ્ટ-ક્લાસ મૅચોમાં કુલ ૮૦૬૧ રન બનાવ્યા છે. વીવીએસ લક્ષ્મણની ગેરહાજરીમાં કોટક બંગલાદેશની ટૂરમાં ભારતની ‘એ’ ટીમને કોચિંગ આપશે.
ભૂતપૂર્વ ભારતીય બૅટર ગૌતમ ગંભીરે કહ્યું છે કે ‘મારા મતે મુંબઈનો અને દિલ્હી કૅપિટલ્સનો બૅટર પૃથ્વી શૉ ભવિષ્યમાં ટીમ ઇન્ડિયાનો કૅપ્ટન બનશે. મને લાગે છે કે પૃથ્વી ભવિષ્યમાં ટી૨૦માં હાર્દિક પંડ્યા સાથે ભારતીય ટીમની કમાન સંભાળશે. પૃથ્વી અગ્રેસિવ અને સફળ કૅપ્ટન બની શકે એમ છે.’ પૃથ્વીએ ૨૦૧૮માં ટેસ્ટ ક્રિકેટમાં ડેબ્યુ કર્યું હતું અને ભારતને અન્ડર-19 વર્લ્ડ કપની ટ્રોફી અપાવી હતી.