ત્રિકોણીય T20 સિરીઝની ફાઇનલમાં આજે પાકિસ્તાન-શ્રીલંકાની ટક્કર

29 November, 2025 02:42 PM IST  |  Mumbai | Gujarati Mid-day Correspondent

રાવલપિંડીમાં આયોજિત પાકિસ્તાન અને શ્રીલંકા વચ્ચે ત્રિકોણીય T20 સિરીઝની ફાઇનલ રમાશે. સતત ૩ મૅચ જીતનાર પાકિસ્તાનને અંતિમ મૅચમાં ૬ રનથી હરાવીને શ્રીલંકાએ ફાઇનલમાં એન્ટ્રી કરી હતી.

પાકિસ્તાનનો કૅપ્ટન સલમાન અલી આગા અને શ્રીલંકાનો ઇન્ચાર્જ-કૅપ્ટન દાસુન શનાકા

રાવલપિંડીમાં આયોજિત પાકિસ્તાન અને શ્રીલંકા વચ્ચે ત્રિકોણીય T20 સિરીઝની ફાઇનલ રમાશે. સતત ૩ મૅચ જીતનાર પાકિસ્તાનને અંતિમ મૅચમાં ૬ રનથી હરાવીને શ્રીલંકાએ ફાઇનલમાં એન્ટ્રી કરી હતી. જો ગુરુવારે શ્રીલંકાએ ૧૮૪ રનનો પોતાનો સ્કોર ડિફેન્ડ ન કર્યો હોત તો એક મૅચ જીતનાર ઝિમ્બાબ્વેને સારી નેટ રન નેટ સાથે ફાઇનલ રમવાની તક મળી હોત. શ્રીલંકા પોતાની ૪ મૅચમાંથી બે જ મૅચ જીત્યું હતું.

ભારતીય સમય અનુસાર આજે સાંજે ૬.૩૦ વાગ્યે ટ્રોફી જીતવાનો જંગ શરૂ થશે. પાકિસ્તાન અને શ્રીલંકા વચ્ચે હમણાં સુધી ૨૬ T20 મૅચ રમાઈ હતી, એમાંથી પાકિસ્તાને ૧૫ અને શ્રીલંકાએ ૧૧ મૅચ જીતી છે.

bangladesh sri lanka test cricket cricket news sports news rawalpindi