✕

પહલે બૅટ કી બાત હૈ, ૪૯ સાલ કે બાદ ભી મેરે સાથ હૈ

16 November, 2026 02:45 PM IST  |  Mumbai | Gujarati Mid-day Correspondent

૧૫ નવેમ્બરની સ્પેશ્યલ તારીખે સચિન તેન્ડુલકરે રસપ્રદ ફોટો શૅર કરીને ખુલાસો કર્યો કે...

સચિન તેન્ડુલકરના એક બાળપણના ફોટોમાં તેના હાથમાં જે નાનકડું બૅટ હતું એ આજે પણ તેની પાસે ઘરમાં સુરક્ષિત છે.

વિશ્વના હાઇએસ્ટ રન-સ્કોરર સચિન તેન્ડુલકરે ગઈ કાલે પોતાના બાળપણની એક સ્પેશ્યલ વસ્તુ સાથે ફોટો શૅર કર્યો હતો. સચિન તેન્ડુલકરના એક બાળપણના ફોટોમાં તેના હાથમાં જે નાનકડું બૅટ હતું એ આજે પણ તેની પાસે ઘરમાં સુરક્ષિત છે.

૫૩ વર્ષના સચિને પોતાની સોશ્યલ મીડિયા પોસ્ટમાં બાળપણનો એ બ્લૅક-ઍન્ડ-વાઇટ ફોટો અને એ જ અંદાજમાં બૅટિંગનો પોઝ આપતો હાલનો ફોટો શૅર કર્યો હતો. તેણે કૅપ્શનમાં લખ્યું હતું કે `પહલે બૅટ કી બાત હૈ, ૪૯ સાલ કે બાદ ભી મેરે સાથ હૈ.` 

૧૫ નવેમ્બરની તારીખ સચિન માટે ખાસ રહી છે. ૩૭ વર્ષ પહેલાં ૧૯૮૯માં કરાચીમાં સચિને પાકિસ્તાન સામે ૧૫ નવેમ્બરે જ ઇન્ટરનૅશનલ ડેબ્યુ કર્યું હતું. મુંબઈના વાનખેડે સ્ટેડિયમમાં સચિને ૨૦૧૩ની ૧૫ નવેમ્બરે વેસ્ટ ઇન્ડીઝ સામે પોતાની અંતિમ ઇન્ટરનૅશનલ ઇનિંગ્સ રમી હતી.

sports news sports sachin tendulkar cricket news indian cricket team social media