05 August, 2026 04:41 PM IST | Mumbai | Gujarati Mid-day Correspondent
ગૌતમ ગંભીર
ભારતીય ટીમના હેડ કોચ ગૌતમ ગંભીર વિશે મહત્ત્વપૂર્ણ અહેવાલ મળી રહ્યા છે. ગૌતમ ગંભીર તમામ ફૉર્મેટમાં નબળાં પરિણામો બાદ નોંધપાત્ર ટીકાનો સામનો કરી રહ્યો છે. એ બધા વચ્ચે એની કોચિંગ-સ્ટાઇલ વિશેની ફરિયાદ ભારતીય ક્રિકેટ બોર્ડ સુધી પહોંચી છે. અહેવાલો અનુસાર ભારતીય ટીમના કેટલાક સિનિયર સભ્યો તેની કોચિંગ-પદ્ધતિઓથી નાખુશ છે. કેટલાક અનુભવી ખેલાડીઓએ ભૂતપૂર્વ ભારતીય ક્રિકેટરો અને બૉર્ડની ઍપેક્સ કાઉન્સિલના સભ્યો સમક્ષ ગંભીરની કોચિંગ-શૈલી અંગે ખાનગીમાં ચિંતા વ્યક્ત કરી છે. ડ્રેસિંગ રૂમમાં ગંભીર વાતાવરણ અને અનિશ્ચિતતાની લાગણીઓ પ્લેયર્સમાં જોવા મળી રહી છે.
શ્રીલંકાની ટેસ્ટ-ટૂરમાંથી જસપ્રીત બુમરાહ ઘૂંટણની ઇન્જરીઓને કારણે બહાર થઈ ગયો હતો. ભારતનો આ મુખ્ય ફાસ્ટ બોલર ઇન્જરીઓ અને વર્કલોડ મૅનજમેન્ટને કારણે ૨૦૨૩ના વન-ડે વર્લ્ડ કપ પછી ઘણી મૅચોમાં ગેરહાજર રહ્યો છે. વન-ડે વર્લ્ડ કપ 2023 પછી ભારતે તમામ ફૉર્મેટની ૧૩૪ મેન્સ ઇન્ટરનૅશનલ મૅચો રમી છે. એમાંથી ૫૭ મૅચમાં જ જસપ્રીત બુમરાહ રમી શક્યો છે. બાકીની ૭૭ મૅચમાં ભારતે પોતાના આ મુખ્ય ફાસ્ટ બોલર વગર રમવું પડ્યું છે.
