31 March, 2026 03:33 PM IST | Mumbai | Gujarati Mid-day Correspondent
મુંબઈ ઇન્ડિયન્સનો નેટ-બોલર શાર્દૂલ ઠાકુર ૧૬ વર્ષ બાદ ટીમ માટે પહેલી મૅચમાં ચમક્યો
મુંબઈના ૩૪ વર્ષના ઑલરાઉન્ડર શાર્દૂલ ઠાકુરે રવિવારે વાનખેડે સ્ટેડિયમમાં મુંબઈ ઇન્ડિયન્સ માટે IPL ડેબ્યુ કર્યું હતું. તેણે ૪ ઓવરમાં ૩૯ રન આપીને ૩ મહત્ત્વપૂર્ણ વિકેટ ઝડપીને પ્લેયર ઑફ ધ મૅચનો અવૉર્ડ જીત્યો હતો. ૨૦૧૦, ૨૦૧૧ અને ૨૦૧૨માં તે મુંબઈ ઇન્ડિયન્સનો નેટ-બોલર હતો. હવે છેક ૧૬ વર્ષ બાદ તેને મુંબઈ માટે પહેલી મૅચ રમવાની તક મળી હતી.
૨૦૧૫થી ૭ IPL મૅચ રમતાં તેણે ચોથી વખત પ્લેયર ઑફ ધ મૅચનો અવૉર્ડ જીત્યો હતો. પહેલી સીઝનમાં શાર્દૂલ ઠાકુરે પંજાબ કિંગ્સ માટે એકમાત્ર મૅચ રમીને એક વિકેટ લીધી હતી. બીજી સીઝનમાં રાઇઝિંગ સુપર જાયન્ટ્સ માટે ૧૨ મૅચમાં તે આ અવૉર્ડ જીતી શક્યો નહોતો. તેણે દિલ્હી કૅપિટલ્સ માટે ૧૪ મૅચ, કોલકાતા નાઇટ રાઇડર્સ માટે ૧૧ મૅચ અને લખનઉ સુપર જાયન્ટ્સ માટે ૧૦ મૅચ રમવા દરમ્યાન ૧-૧ વખત આ અવૉર્ડ જીત્યો હતો. ચેન્નઈ સુપર કિંગ્સ માટે પાંચ સીઝનમાં ૫૭ મૅચ રમીને પણ તે એક પણ વખત પ્લેયર ઑફ ધ મૅચ બન્યો નહોતો. જોકે મુંબઈ માટે પહેલી જ મૅચમાં તેણે આ અવૉર્ડ પોતાને નામે કર્યો છે.
