વેસ્ટ ઇન્ડીઝ સામે સતત બીજી મૅચ વરસાદને ભેટ ચડતાં શ્રીલંકા ૧-૦થી વન-ડે સિરીઝ જીત્યું

જમૈકાના કિંગ્સ્ટનસ્થિત સબીના પાર્કમાં ગઈ કાલે ત્રીજી વન-ડે મૅચ વરસાદને કારણે રદ રહી હતી.

વન-ડે સિરીઝની ટ્રોફી સાથે શ્રીલંકન ક્રિકેટ-ટીમ

જમૈકાના કિંગ્સ્ટનસ્થિત સબીના પાર્કમાં ગઈ કાલે ત્રીજી વન-ડે મૅચ વરસાદને કારણે રદ રહી હતી. સતત બે મૅચ વરસાદને કારણે રદ થતાં પહેલી મૅચ ૪૧ રને જીતનાર શ્રીલંકા ૧-૦થી ત્રણ વન-ડેની સિરીઝમાં વિજેતા રહ્યું. અગાઉ બન્ને ટીમ વચ્ચે ૨૦૦૮ અને ૨૦૧૧માં એક-એક વન-ડે વરસાદને ભેટ ચડી હતી. વન-ડે મૅચના હેડ-ટુ-હેડ રેકૉર્ડમાં શ્રીલંકાએ આ હરીફ સામે જીતના મામલે ૩૩-૩૨થી લીડ મેળવી છે. બન્ને ટીમ હવે ૧૧ જૂનથી ત્રણ T20 મૅચ અને ૨૫ જૂનથી બે ટેસ્ટ-મૅચની સિરીઝ રમશે.