ટીમ ઇન્ડિયા ૨૦૨૬-’૨૭ની હોમ સીઝનમાં ૧૭ શહેરોમાં બાવીસ ઇન્ટરનૅશનલ મૅચ રમશે

આવતા વર્ષે ૯ જાન્યુઆરીએ મુંબઈમાં ઝિમ્બાબ્વે સામે વન-ડે મૅચ રમાશે

માત્ર ઑસ્ટ્રેલિયા સામે પાંચ ટેસ્ટ-મૅચની સિરીઝ રમાશે

ભારતીય ક્રિકેટ બોર્ડે ગઈ કાલે ૨૦૨૬-’૨૭ માટે ટીમ ઇન્ડિયાની સિનિયર મેન્સ ટીમની ઇન્ટરનૅશનલ હોમ સીઝનનું શેડ્યુલ જાહેર કર્યું. શેડ્યુલમાં ૪ મુલાકાતી દેશો સામે વ્યાપક મલ્ટિ-ફૉર્મેટ લાઇનઅપનો સમાવેશ થાય છે. ૧૭ શહેરોમાં કુલ બાવીસ ઇન્ટરનૅશનલ મૅચ રમાશે. એનાથી દેશભરના ક્રિકેટચાહકોને આ મૅચોને લાઇવ જોવાની પૂરતી તક મળશે. આ સીઝન દરમ્યાન ભારત વેસ્ટ ઇન્ડીઝ, શ્રીલંકા અને ઝિમ્બાબ્વે સામે વાઇટ-બૉલ સિરીઝ રમશે. માત્ર ઑસ્ટ્રેલિયા સામે પાંચ ટેસ્ટ-મૅચની સિરીઝ રમાશે. 

ટીમ ઇન્ડિયાનું ૨૦૨૬-’૨૭ની હોમ સીઝનનું શેડ્યુલ

વેસ્ટ ઇન્ડીઝ સામે ૩ વન-ડે : ૨૭  સપ્ટેમ્બરથી ૩  ઑક્ટોબર - તિરુવનંતપુરમ, ગુવાહાટી, ન્યુ ચંડીગઢ
 વેસ્ટ ઇન્ડીઝ સામે પાંચ T20 : ૬થી ૧૭ ઑક્ટોબર - લખનઉ, રાંચી, ઇન્દોર, હૈદરાબાદ, બૅન્ગલોર 
 શ્રીલંકા સામે ૩ વન-ડે : ૧૩થી ૧૯  ડિસેમ્બર - દિલ્હી, બૅન્ગલોર, અમદાવાદ 
 શ્રીલંકા સામે ૩ T20 : બાવીસથી ૨૭  ડિસેમ્બર - રાજકોટ, કટક, પુણે 
 ઝિમ્બાબ્વે સામે ૩ વન-ડે : ૩થી ૯ જાન્યુઆરી - કલકત્તા, હૈદરાબાદ, મુંબઈ 
 ઑસ્ટ્રેલિયા સામે પાંચ ટેસ્ટ-મૅચ : ૨૧ જાન્યુઆરીથી ૩ માર્ચ - નાગપુર, ચેન્નઈ, ગુવાહાટી, રાંચી, અમદાવાદ