કૃણાલ પંડ્યાની સેન્ચુરી, બરોડાની જીત

ગઈ કાલે બરોડાએ હૈદરાબાદ સામે ૩૭ રનથી રોમાંચક જીત મેળવી હતી

કૃણાલ પંડ્યા

વિજય હઝારે ટ્રોફીમાં રાજકોટમાં ચાલી રહેલા મુકાબલાઓમાં ગઈ કાલે બરોડાએ હૈદરાબાદ સામે ૩૭ રનથી રોમાંચક જીત મેળવી હતી. બરોડાના ટૉપના ત્રણેય બૅટરો નિત્ય પંડ્યા (૧ર૨), અમિત પાસી (૧૨૭) અને કૅપ્ટન કૃણાલ પંડ્યા (અણનમ ૧૦૯ રન)એ સેન્ચુરી ફટકારતાં ૫૦ ઓવરમાં ૪ વિકેટે ૪૧૭ રન બનાવ્યા હતા. હૈદરાબાદ જવાબમાં અભિરથ રેડ્ડી અને પ્રજ્ઞાન રેડ્ડીની સેન્ચુરી છતાં ૪૯.૫ ઓવરમાં ૩૮૦ રનમાં ઑલઆઉટ થઈ ગયું હતું અને ૩૭ રનથી એણે હાર જોવી પડી હતી. બરોડાની આ ચોથી મૅચમાં ત્રીજી જીત હતી, જ્યારે હૈદરાબાદનો આ સતત ચોથો પરાજય હતો.