કાંગારૂઓ સામેની વન-ડે સિરીઝ માટે ઇન્ડિયા A ટીમમાં હાર્દિક પંડ્યાની એન્ટ્રી

IPL 2026 પછી સ્પર્ધાત્મક ક્રિકેટ ન રમનાર હાર્દિક પંડ્યાનો ઑસ્ટ્રેલિયા A સામેની ત્રણ મૅચની વન-ડે સિરીઝ માટે ઇન્ડિયા A ટીમમાં સમાવેશ થયો છે. ફિટનેસ ક્લિયરન્સ બાદ જ તે રમી શકશે.

હાર્દિક પંડ્યાએ હાલમાં શૅર કરેલો ફોટો.

IPL 2026 પછી કોઈ સ્પર્ધાત્મક ક્રિકેટ ન રમનાર હાર્દિક પંડ્યાનો ઑસ્ટ્રેલિયા A સામેની ત્રણ મૅચની વન-ડે સિરીઝ માટે ઇન્ડિયા A ટીમમાં સમાવેશ કરવામાં આવ્યો છે. જો તેને સેન્ટર ઑફ એક્સલન્સ તરફથી ફિટનેસ ક્લિયરન્સ મળશે તો જ તે રમી શકશે. પૉન્ડિચૅરીમાં બાવીસ સપ્ટેમ્બરથી બે ઑક્ટોબર વચ્ચે બે મલ્ટિ-ડે મૅચ રમાશે. આ સિરીઝ માટે દેવદત્ત પડિક્કલને કૅપ્ટન અને સાઈ સુદર્શનને વાઇસ-કૅપ્ટન બનાવીને ૧૫ સભ્યોની સ્ક્વૉડ જાહેર કરવામાં આવી છે. ૬થી ૧૧ ઑક્ટોબર વચ્ચે ત્રણ વન-ડે મૅચની સિરીઝ રમાશે, જેમાં ઋતુરાજ ગાયકવાડને કૅપ્ટન અને દેવદત્ત પડિક્કલને વાઇસ-કૅપ્ટનની જવાબદારી સોંપવામાં આવી છે. ઇન્જરીઓની ગૂંચવણને કારણે હાર્દિક પંડ્યા IPL 2026 પછી ક્રિકેટના મેદાન પર ઑફિશ્યલ વાપસી કરી શક્યો નથી.