એશિયન ગેમ્સમાં ભારતીય મહિલા હૉકી ટીમની સતત બીજી જીત, ઇન્ડોનેશિયાને ૧૭-૧થી હરાવ્યું

એશિયન ગેમ્સ 2026માં ભારતીય મહિલા હૉકી ટીમે ઇન્ડોનેશિયાને 17-1થી હરાવી સતત બીજી જીત મેળવી. દીપિકા સેહરાવત, નવનીત કૌર અને રુતુજા દાદાસોએ ત્રણ-ત્રણ ગોલ કર્યા. હવે ભારત થાઇલૅન્ડ સામે રમશે.

ભારતીય મહિલા હૉકી ટીમ

ગઈ કાલે એશિયન ગેમ્સ 2026માં રમાયેલી પૂલ Bની મૅચમાં ભારતીય મહિલા હૉકી ટીમે ઇન્ડોનેશિયાને ૧૭-૧ના વિશાળ અંતરથી કારમી હાર આપીને ટુર્નામેન્ટમાં સતત બીજી જીત નોંધાવી હતી. 
આ મૅચમાં ભારત તરફથી દીપિકા સેહરાવત, નવનીત કૌર અને રુતુજા દાદાસોએ ત્રણ-ત્રણ ગોલ કર્યા હતા. ભારતે પોતાની શરૂઆતની મૅચમાં ઉઝબેકિસ્તાન સામે ૧૯-૦થી જીત નોંધાવી હતી.
ભારતીય મહિલા ટીમ હવે ૨૩ સપ્ટેમ્બરે થાઇલૅન્ડ સામે ટકરાશે. આજે ૨૨ સપ્ટેમ્બરે ભારતીય મેન્સ હૉકી ટીમની ટક્કર શ્રીલંકા સામે થશે. 

10 : હૉકી ઇન્ડિયાએ આટલા લાખ રૂપિયાના પુરસ્કારની જાહેરાત કરી સવિતા પૂનિયા માટે.

સવિતા પૂનિયા ભારતની સૌથી વધુ મૅચ રમનાર મહિલા હૉકી ખેલાડી બની

ગોલકીપર સવિતા પૂનિયા ૩૨૧ સિનિયર ઇન્ટરનૅશનલ મૅચ સાથે ભારતીય મહિલા હૉકીના ઇતિહાસમાં સૌથી વધુ મૅચ રમનાર મહિલા ખેલાડી બની છે. તેણે ભૂતપૂર્વ ભારતીય ખેલાડી વંદના કટારિયાના ૩૨૦ મૅચના રેકૉર્ડને પાછળ છોડી દીધો છે.