19 March, 2023 02:28 PM IST | Mumbai | Gujarati Mid-day Correspondent
મોહન બગાન આઇએસએલ ચૅમ્પિયન
એટીકે મોહન બગાને ગઈ કાલે ભારતની સૌથી મોટી ફુટબૉલ સ્પર્ધા ઇન્ડિયન સુપર લીગ (આઇએસએલ)ની ફાઇનલમાં બૅન્ગલોરને પેનલ્ટી શૂટઆઉટમાં ૪-૩ થી હરાવીને ચૅમ્પિયન બની હતી. મોહન બગાનને પહેલી વાર ચૅમ્પિયન બનવાની તક હતી, જે તેણે ઝડપી લીધી હતી. બન્ને ટીમ વચ્ચે જોરદાર ટક્કર થઈ હતી. બન્ને ટીમે બે-બે ગોલ કરતાં આખરે પેનલ્ટી શૂટઆઉટ દ્વારા નિર્ણય કરાયો હતો, જેમાં બૅન્ગલોરની ટીમ પોતાના ત્રીજા અને પાંચમા પ્રયાસમાં ગોલ કરવામાં નિષ્ફળ રહી હતી.