31 May, 2026 08:45 AM IST | New Delhi | Gujarati Mid-day Correspondent
ફ્રેન્ચ ઓપનમાં ૧૯ વર્ષના ખેલાડી સામે હારીને નોવાક જૉકોવિચ થયો આઉટ
સાત્વિકસાઈરાજ રેન્કીરેડ્ડી અને ચિરાગ શેટ્ટીની ભારતીય બૅડ્મિન્ટન જોડીએ વિશ્વ નંબર વન જોડીને હરાવીને સિંગાપોર બૅડ્મિન્ટન ઓપનની ફાઇનલમાં એન્ટ્રી કરી છે. ભારતની આ વર્લ્ડ નંબર ફોર જોડી આજે મેન્સ ડબલ્સની ફાઇનલ મૅચમાં વિશ્વની ત્રીજા ક્રમની ઇન્ડોનેશિયાની જોડી સામે ટકરાશે. સાઉથ કોરિયાના કિમ વૉન-હો અને સીઓ સ્યુંગ સામે સેમી-ફાઇનલમાં સાત્વિકસાઈરાજ રેન્કીરેડ્ડી અને ચિરાગ શેટ્ટીએ બાવન મિનિટ સુધી લડત આપી હતી. ભારતીય જોડીએ ૨૧-૧૯, ૨૧-૧૮ સેમી-ફાઇનલ મૅચ જીતી હતી. સાઉથ કોરિયન જોડી પર સાત્વિક-ચિરાગની આ પહેલી જીત હતી. ૨૧મી સદીમાં મેન્સ ડબલ્સમાં સૌથી વધુ સતત ૩૪ મૅચ જીતવાનો આ સાઉથ કોરિયન જોડીનો સિલસિલો ગઈ કાલે અટક્યો હતો. મિક્સ્ડ ડબલ્સની સેમી-ફાઇનલમાં ધ્રુવ કપિલા-તનિષા ક્રાસ્ટોની જોડી સામે જપાનની જોડીએ ૨૧-૧૬, ૧૭-૨૧, ૨૧-૧૩થી જીત નોંધાવી હતી. અગાઉ ક્વૉર્ટર ફાઇનલમાં હારીને લક્ષ્ય સેન અને પી.વી. સિંધુ જેવા સ્ટાર શટલર્સ પોતાનાં અભિયાનને આગળ વધારી શક્યાં નહોતાં.