15 October, 2025 07:57 AM IST | Cardiff | Gujarati Mid-day Correspondent
તસવીર સૌજન્યઃ સોશ્યલ મીડિયા
ગઈ કાલે ફિફા વર્લ્ડ કપ 2026 યુરોપિયન ક્વૉલિફાયર મૅચમાં બેલ્જિયમે ૪-૨થી વેલ્સ સામે જીત નોંધાવી હતી. વેલ્સની રાજધાની કાર્ડિફમાં આયોજિત આ મુકાબલા દરમ્યાન મેદાન પર એક બિનઆમંત્રિત મહેમાને એન્ટ્રી કરીને મૅચ રોકી દીધી હતી. ઑલમોસ્ટ બે મિનિટ સુધી આ ઉંદરે મેદાન પર દોડાદોડ કરીને ફૅન્સને ખુશ કરી દીધા હતા. બેલ્જિયમના ગોલકીપરે તેને પકડીને મેદાનની બહાર લઈ જવાનો પ્રયત્ન કર્યો હતો, પણ એ તેની પકડમાં આવ્યો નહોતો. અંતે એ આપમેળે મેદાનની બહાર જતો રહ્યો હતો.