અવૉર્ડ લેવા ઉત્સાહભેર સ્ટેજ પર ચડેલી નિતાંશી ગોયલ ગબડી પડી, શાહરુખ ખાને માંડ-માંડ સંભાળી

સોશ્યલ મીડિયા પર આ વિડિયો જોઈને લોકો શાહરુખના વર્તનને બિરદાવી રહ્યા છે

તસવીર સૌજન્યઃ સોશ્યલ મીડિયા

ફિલ્મફેર અવૉર્ડ્‌સ ફંક્શનમાં બેસ્ટ ડેબ્યુ (ફીમેલ)નો અવૉર્ડ ‘લાપતા લેડીઝ’ માટે નિતાંશી ગોયલને ફૂલકુમારીનો રોલ કરવા માટે એનાયત કરવામાં આવ્યો છે. આ અવૉર્ડ માટે નિતાંશી ઉત્સાહભેર સ્ટેજ પર આવી હતી, પણ એકાએક તેનો પગ તેના ગાઉનની લાંબી ટ્રેલમાં અટવાઈ જતાં તે ગબડી પડી હતી. જોકે આ સંજોગોમાં હોસ્ટ તરીકેની જવાબદારી નિભાવી રહેલા શાહરુખ ખાને તરત તેને સંભાળી લીધી હતી. શાહરુખે આ પછી નિતાંશીના ગાઉનની લાંબી ટ્રેલને સ્ટેજ પર સારી રીતે સંભાળીને પકડી રાખી હતી. સોશ્યલ મીડિયા પર આ વિડિયો જોઈને લોકો શાહરુખના વર્તનને બિરદાવી રહ્યા છે.