30 October, 2021 10:05 PM IST | mumbai | Gujarati Mid-day Correspondent
સુનિલ શેટ્ટી
અક્ષયકુમારે ‘તડપ’નું ટ્રેલર જોઈને સુનીલ શેટ્ટીના દીકરા અહાન શેટ્ટીની પ્રશંસા કરતાં જણાવ્યું કે તારો દીકરો તો તારા કરતાં દસ પગલાં આગળ છે. આ ફિલ્મમાં અહાન સાથે તારા સુતરિયા પણ લીડ રોલમાં છે. તેલુગુ બ્લૉકબસ્ટર ‘RX 100’ની આ હિન્દી રીમેક છે. આ રીમેકને મિલન લુથરિયાએ ડિરેક્ટ કરી છે. સાજિદ નડિયાદવાલાએ આ ફિલ્મને પ્રોડ્યુસ કરી છે. આ ટ્રેલર જોઈને ટ્વિટર પર અક્ષયકુમારે ટ્વીટ કર્યું હતું કે ‘યાર સુનીલ શેટ્ટી તેરા બેટા તો તુઝસે ભી દસ કદમ આગે હૈ. યે કિસ ટાઇપ કી હેરાફેરી હૈ ભાઈ? ‘તડપ’નું ટ્રેલર અદ્ભુત છે. અહાનને ભરપૂર પ્રેમ અને શુભેચ્છાઓ.’
અક્ષયકુમારના આ ટ્વીટ પર રિપ્લાય આપતાં સુનીલ શેટ્ટીએ ટ્વીટ કર્યું હતું કે ‘તું પહેલો હતો જેણે શુભેચ્છા આપી અને ઘણાં વર્ષો પહેલાં તેનો માત્ર ફોટો જોઈને તે સુંદર વાત કહી હતી. તું હંમેશાં જે પ્રેમ દેખાડે છે એના માટે થૅન્ક યુ. એ પ્રશંસાને પાત્ર છે.’