23 October, 2021 01:47 PM IST | Mumbai | Gujarati Mid-day Correspondent
તુ જહાં, મૈં વહાં
અર્જુન કપૂરે પરિણીતી ચોપડાને બર્થ-ડે વિશ કરતાં જણાવ્યું છે કે તું હંમેશાં મારા દિલમાં રહે છે. પરિણીતીનો ગઈ કાલે બર્થ-ડે હતો. પરિણીતીને તેણે ટૂરિઝમની બ્રૅન્ડ-ઍમ્બૅસૅડર પણ કહી છે. અર્જુને જે ફોટો શૅર કર્યા છે એમાં તે પરિણીતીની આસપાસ છે. આ બધા ફોટો અર્જુને એડિટ કર્યા છે. પરિણીતીના બધા ફોટોમાં તેણે પોતાને બેસાડી દીધો છે. આ ફોટોને ઇન્સ્ટાગ્રામ પર શૅર કરીને અર્જુને કૅપ્શન આપી હતી, ‘પરી, તું આખું જગત ફરે છે અને હું પણ તારા દિલમાં રહીને તારી સાથે ટ્રાવેલ કરું છું. વર્લ્ડ ટૂરિઝમની બ્રૅન્ડ-ઍમ્બૅસૅડરને હૅપી બર્થ-ડે. તું આ ટાઇટલને યોગ્ય છે.’