26 April, 2024 06:08 AM IST | Mumbai | Gujarati Mid-day Correspondent
આયુષમાન ખુરાના , સારા અલી ખાન
આયુષમાન ખુરાના અને સારા અલી ખાન સાથે કામ કરશે એવી ચર્ચા ચાલી રહી છે. આ ફિલ્મને કરણ જોહર દ્વારા પ્રોડ્યુસ કરવામાં આવશે. આ એક જાસૂસ પર આધારિત કૉમેડી ફિલ્મ છે. આયુષમાન છેલ્લે ‘ડ્રીમ ગર્લ 2’માં જોવા મળ્યો હતો. તેની ઘણી ફિલ્મોને લઈને ચર્ચા હતી, પરંતુ તે હવે આ ફિલ્મનું શૂટિંગ જૂનમાં શરૂ કરશે એવી ચર્ચા છે. આ ફિલ્મ માટે પહેલી પસંદ આયુષમાન હતો અને તેણે તૈયારી દેખાડ્યા બાદ હિરોઇન તરીકે સારા પર પસંદગી ઉતારવામાં આવી હતી. આ માટે તેણે પણ ઇન્ટરેસ્ટ દેખાડ્યો છે, પરંતુ હજી વાતચીત ચાલી રહી છે. જો આ ફિલ્મ માટે બધું પ્લાનિંગ અનુસાર થયું તો આ આયુષમાનની કરણ સાથેની અને સારા સાથેની પણ પહેલી ફિલ્મ હશે. આ ફિલ્મનું નામ પણ હજી નક્કી કરવામાં નથી આવ્યું. જોકે દરેક ઍક્ટર ફિલ્મ સાઇન કરે ત્યાર બાદ એની જાહેરાત સાથે નામ જાહેર કરવામાં આવશે.