11 February, 2026 12:21 PM IST | Mumbai | Gujarati Mid-day Correspondent
પરેશ રાવલ
તાજેતરમાં સમાચાર આવ્યા હતા કે અક્ષય કુમારની ૨૦૦૬માં રિલીઝ થયેલી ‘ભાગમ ભાગ’ની સીક્વલ આવવાની છે અને આ સીક્વલમાં ગોવિંદાને બદલે મનોજ બાજપાઈને સાઇન કરવામાં આવ્યો છે. હવે આ ફિલ્મ વિશે વધારે માહિતી જાહેર થઈ છે એ પ્રમાણે ‘ભાગમ ભાગ 2’માં પરેશ રાવલ ડબલ રોલમાં જોવા મળશે. પરેશ રાવલ ‘ભાગમ ભાગ’માં કામ કરી ચૂક્યા છે અને હવે સીક્વલમાં તેમને ડબલ જવાબદારી સોંપવામાં આવી છે. પરેશ રાવલ આ પહેલાં ‘અંદાઝ અપના અપના’, ‘પ્લૅટફૉર્મ’, ‘જનમ કુંડલી’ અને ‘ચોર મચાયે શોર’ જેવી ફિલ્મોમાં પહેલાં ડબલ રોલ કરી ચૂક્યા છે.
