29 November, 2025 03:38 PM IST | Mumbai | Gujarati Mid-day Correspondent
અજય દેવગન ફાઇલ તસવીર (સૌજન્ય: મિડ-ડે)
તાજેતરમાં અજય દેવગને દિલ્હી હાઈ કોર્ટમાં અરજી દાખલ કરીને ફરિયાદ કરી હતી કે ઘણા લોકો મારી નકલી ઓળખ સાથે કૅપ, સ્ટિકર અને પોસ્ટર વેચી રહ્યા છે. આમાં ફિલ્મ સંબંધિત નહીં પરંતુ ખાનગી તસવીરોનો ખોટો ઉપયોગ કરવામાં આવી રહ્યો છે. આ કેસની સુનાવણી કરતી વખતે દિલ્હી હાઈ કોર્ટે અજય દેવગનની અપીલની તરફેણમાં સુનાવણી કરીને વચગાળાનો આદેશ આપ્યો છે કે કોઈ પણ વ્યક્તિ કે સંસ્થા તેમની તસવીરો, અવાજ કે ઓળખ સંબંધી વસ્તુઓનો ઉપયોગ તેમની મંજૂરી વિના કરી શકશે નહીં.
કોર્ટે પોતાના આદેશમાં સ્પષ્ટતા કરી છે કે આર્ટિફિશ્યલ ઇન્ટેલિજન્સ અને ડીપફેક ટેક્નૉલૉજી દ્વારા અજય દેવગનની તસવીર કે વ્યક્તિત્વનો ખોટો ઉપયોગ કરી શકાશે નહીં. આ સાથે કોઈ પણ પ્રકારની અશ્લીલ કે વાંધાજનક સામગ્રીના પ્રસાર પર પણ રોક લગાવવામાં આવી છે.