દર્શક તરીકે હું ધુરંધર : ધ રિવેન્જમાં અક્ષય ખન્નાને મિસ કરું છું

સૌમ્યા ટંડન

ફિલ્મ ‘ધુરંધર : ધ રિવેન્જ’ની સફળતા અત્યારે ચર્ચામાં છે ત્યારે આ ફિલ્મમાં રહમાન ડકૈતની પત્ની ઉલફત રહમાનનો રોલ કરનાર સૌમ્યા ટંડનનું કહેવું છે કે  તેને આ ફિલ્મમાં અક્ષય ખન્નાની ખૂબ જ ખોટ સાલી છે. તેણે કહ્યું હતું કે પહેલી ફિલ્મમાં અક્ષય ખન્નાએ રહમાન ડકૈતના પાત્રમાં અદ્ભુત અભિનય કર્યો હતો અને હું તેને ખૂબ મિસ કરું છું, પણ સીક્વલની વાર્તા તેના મૃત્યુ પછી આગળ વધે છે.

સૌમ્યાએ સીક્વલમાં પોતાના પાત્ર વિશે પણ ખુલાસો કર્યો કે ‘‘ધુરંધર : ધ રિવેન્જ’માં મારો રોલ ખૂબ નાનો છે. આ ફિલ્મમાં મારી પાસે કરવા માટે ખાસ નહોતું અને મારો સ્ક્રીન-ટાઇમ માત્ર એક જ દૃશ્ય સુધી મર્યાદિત રહ્યો છે. ફિલ્મમાં મારું એક દૃશ્ય છે જે બહુ ઇન્ટેન્સ છે. આ સીનમાં રહમાન ડકૈતની પત્નીના રોલમાં તે ગુસ્સો, દુઃખ અને અસહાયતા જેવી ઘણી ભાવનાઓ સાથે સંઘર્ષ કરતી જોવા મળે છે. આ દૃશ્ય મારા માટે એક પડકારજનક અનુભવ રહ્યો હતો.’