23 February, 2026 12:43 PM IST | Mumbai | Gujarati Mid-day Correspondent
અર્શદ વારસી અને અક્ષય કુમારની ફાઇલ તસવીર
હાલમાં રિપોર્ટ હતા કે અક્ષય કુમારને ‘ગોલમાલ 5’માં સાઇન કરવામાં આવ્યો છે અને એ અજય દેવગન સામે ખલનાયક તરીકે જોવા મળી શકે છે. હાલમાં એક ઇન્ટરવ્યુમાં અર્શદે વાત-વાતમાં આ ચર્ચાને કન્ફર્મ કરી દીધી છે. ‘ગોલમાલ 5’માં અર્શદ વારસી, તુષાર કપૂર, શ્રેયસ તલપડે અને કુણાલ ખેમુ કામ કરી રહ્યા છે. આ સંજોગોમાં અર્શદે એક ઇન્ટરવ્યુમાં કહ્યું હતું કે ‘હું અને અક્ષય વધુ એક ફિલ્મ સાથે કરી રહ્યા છીએ. હવે કામ શરૂ થવાનું છે. ખૂબ જ મજેદાર ફિલ્મ છે. તેની જાહેરાત ટૂંક સમયમાં થશે.’
અર્શદના આ નિવેદન પછી ‘ગોલમાલ 5’માં અક્ષયની એન્ટ્રી લગભગ કન્ફર્મ થઈ ગઈ છે.
