11 July, 2025 06:55 AM IST | Toronto | Gujarati Mid-day Online Correspondent
વાયરલ વીડિયોનો સ્ક્રીનગ્રૅબ (તસવીર સૌજન્ય: સોશિયલ મીડિયા)
કૉમેડિયન કપિલ શર્મા વિશે મોટા સમાચાર સામે આવ્યા છે. કેનેડામાં તેના નવા કાફેમાં ગોળીબાર થયો છે. ખાલિસ્તાની આતંકવાદી હરજીત સિંહ લડ્ડીએ આ ઘટનાની જવાબદારી લીધી છે.
તમને જણાવી દઈએ કે તાજેતરમાં કપિલ શર્મા અને તેની પત્ની ગિન્નીએ આ કાફેનું ઉદ્ઘાટન કર્યું હતું. ઉદ્ઘાટનના થોડા જ દિવસોમાં કાફે પર હુમલો થયો છે. આ ઘટનાનો વીડિયો ઇન્ટરનેટ પર વાયરલ થઈ રહ્યો છે. જેમાં સ્પષ્ટપણે જોઈ શકાય છે કે એક વ્યક્તિ રાત્રે કાફેની બારીઓ પર ગોળીબાર કરતો જોવા મળે છે. કારમાં બેઠેલો વ્યક્તિ આડેધડ ગોળીબાર કરી રહ્યો છે. હવે આ મામલે એક મોટી વાત સામે આવી છે. ખાલિસ્તાની આતંકવાદી હરજીત સિંહ લડ્ડીએ દાવો કર્યો છે કે આ ગોળીબાર તેને કરાવ્યો હતો.
હરજીત સિંહ લડ્ડી ભારતની NIA (National Investigation Agency) નો મોસ્ટ વૉન્ટેડ આતંકવાદી છે અને તે બબ્બર ખાલસા ઇન્ટરનેશનલ (Babbar Khalsa International) સાથે પણ સંકળાયેલો છે. પોલીસ અને ફોરેન્સિક ટીમ ઘટનાસ્થળે પહોંચીને તપાસ કરી રહી છે. હાલમાં આ મામલે કપિલ શર્મા કે તેની ટીમ તરફથી કોઈ નિવેદન આવ્યું નથી.
તમને જણાવી દઈએ કે આ કાફેનું ઉદ્ઘાટન આ અઠવાડિયે જ થયું હતું. ગિન્ની અને કપિલે તેમના ઇન્સ્ટાગ્રામ પર સુંદર તસવીરો પણ શૅર કરી હતી. જેના પર લોકો તેમને ખૂબ અભિનંદન આપ્યા હતા.
2 વર્ષની સખત મહેનત પછી, કપિલ શર્માએ તેની પત્ની ગિન્ની ચતરથ સાથે કેનેડામાં એક વ્યવસાય શરૂ કર્યો. બંનેએ `કૅપ્સ કાફે` નામનું એક કાફે ખોલ્યું. કપિલ અને ગિન્ની બંને ખૂબ ખુશ હતા કારણ કે રેસ્ટોરન્ટની કોફી અને ફૂડનો સ્વાદ માણવા માટે ઘણા લોકો ઉમટી રહ્યા હતા.
ગિન્નીએ સૌથી વધુ મહેનત કરી
ગિન્ની ચતરથ સોશિયલ મીડિયા પર બહુ સક્રિય નથી. પરંતુ જ્યારથી તેણે કેનેડામાં કાફે ખોલ્યું છે, ત્યારથી તે બધાનો આભાર માની રહી છે. ઘણા ચાહકો, મિત્રો અને પ્રશંસકોએ કપિલ શર્માના કાફેનું ફૂડ ટ્રાય કર્યું હતું. આવી સ્થિતિમાં, તેઓ કપિલ અને ગિન્નીને ખૂબ ટેગ કરી રહ્યા હતા. ગિન્ની સતત ચાહકો અને મિત્રોની પોસ્ટ રી-શૅર કરી રહી હતી અને તેમનો આભાર માની રહી હતી.
ગિન્નીએ એક પોસ્ટમાં એમ પણ કહ્યું હતું કે તે આ રેસ્ટોરન્ટ માટે 2 વર્ષથી સખત મહેનત કરી રહી છે. તેની પાસે ઘણા વિચારો હતા જે હવે સફળ થયા છે. જ્યારે ગિન્નીએ રેસ્ટોરન્ટના સકારાત્મક સમીક્ષાઓ જોયા, ત્યારે તે આ જોઈને ખૂબ ખુશ થઈ.
તમને જણાવી દઈએ કે કપિલ શર્મા તેના કોમેડી શો `ધ ગ્રેટ ઇન્ડિયન કપિલ શો`ના શૂટિંગમાં વ્યસ્ત છે. આગામી એપિસોડમાં, `પંચાયત`ના જીતુ ભૈયા તેના મિત્રો સાથે જોવા મળશે. આ વખતે, પ્રતીક ગાંધી, જયદીપ અહલાવત, જીતેન્દ્ર કુમાર અને વિજય વર્મા કૉમેડી કરતા જોવા મળશે.