20 September, 2021 12:54 PM IST | mumbai | Gujarati Mid-day Online Correspondent
મહેશ ભટ્ટ
ફેમસ ફિલ્મ નિર્દેશક, નિર્માતા અને પટકથા લેખક મહેશ ભટ્ટ આજે તેમનો જન્મદિવસ ઉજવી રહ્યા છે. તેમની પુત્રી આલિયા ભટ્ટ અને પુજા ભટ્ટે તેમના જન્મદિવસને ઉજવવા માટે ખાસ તૈયારીઓ કરી હતી. પૂજા ભટ્ટે સોશિયલ મીડિયા પર કરેલી પોસ્ટ પરથી તે સ્પષ્ટ દેખાય છે કે તેઓ મહેશ ભટ્ટના જન્મદિવસને લઈ કેટલા ઉત્સાહિત હતાં.
પૂજા ભટ્ટે સોશિયલ મીડિયામાં કેટલીક તસવીર શેર કરી પિતા મહેશ ભટ્ટને જન્મદિવસની શુભેચ્છા પાઠવી હતી. તેણીએ પિતા મહેશ ભટ્ટનો એક ફોટો શેર કર્યો છે, જેમાં આલિયા પણ દેખાઈ છે અને તે ખૂબ જ ઉત્સાહિત જોવા મળી રહી છે. આ ફોટો ઇન્ટરનેટ પર ખુબ જ વાયરલ થઇ રહ્યો છે.
પૂજા ભટ્ટે 2-3 તસવીરો શેર કરી છે, જેમાં આલિયા પણ મહેશ ભટ્ટ સાથે પણ જોવા મળી રહી છે. તે તેના પિતાની પાછળ ફુગ્ગા લઈને ઉભી છે. આ ફોટો શેર કરતા અભિનેત્રીએ કેપ્શનમાં લખ્યું છે, `બર્થ ડે બોય ... પણ સેટિંગ ગર્લને ચૂકશો નહીં!` જેકી શ્રોફ સહિત ઘણા સેલેબ્સે આ પોસ્ટ પર કોમેન્ટ કરી છે. આ સાથે તેમના ચાહકોએ પણ મહેશ ભટ્ટને જન્મદિવસ પર અભિનંદન પાઠવ્યાં છે.
આલિયા ભટ્ટે પણ પિતાને જન્મદિવસની શુભેચ્ઠા પાઠવતાં ઈન્સ્ટાગ્રામ પર તસવીરો શેર કરી છે. એક તસવીરમાં તે મહેશ ભટ્ટ, પૂજા ભટ્ટે અને રણબીર સિંહ સાથે જોવા મળી રહી છે.
દિગ્ગજ અભિનેત્રી શબાના આઝમીએ પણ મહેશ ભટ્ટને જન્મદિવસની શુભેચ્છા પાઠવી છે. ફોટો શેર કરતા તેણે કેપ્શનમાં લખ્યું- `જન્મદિવસની શુભેચ્છા માય ડિયર #MaheshBhat. તમે મને #Arth આપ્યો અને મારી અંદરથી એક પરફોર્મન્સ લાવ્યું જે મને ખબર પણ નહોતી કે હું એ કરવા સક્ષમ છું. તમે મને જે કૃષ્ણમૂર્તિ અને બોબ ડાયલન સાથે પરિચય કરાવ્યો, આપણે વિવિધ પુસ્તકોની ચર્ચામાં કલાકો પસાર કર્યા, અમે બેગમ અખ્તરને પસંદર કરતા હતા .. .. આ બધું અને ઘણું બધું ... ભલે આપણે મળીએ કે નહીં, તમે હંમેશા મારા જીવનનો એક અભિન્ન ભાગ રહેશો. આભાર #Soni Razdan #PoojaBhatt #Rahul Bhatt #Shaheen Bhatt #AliaBhatt.`
મહેશ ભટ્ટ `સારંશ`, `ડેડી`, `અવર્ગી`, `આશિકી`, `દિલ હૈ કી માનતા નહીં`, `સડક`, `ગુમરાહ`, `હમ હૈં રાહી પ્યાર કે`, `જખ્મ`, `જિસ્મ`, `મર્ડર` અને `વો લમ્હે` જેવી અગણિત મહાન ફિલ્મો માટે જાણીતા.