12 June, 2021 12:15 PM IST | Mumbai | Gujarati Mid-day Correspondent
સોનુ સૂદને મળવા હૈદરાબાદથી મુંબઈ ઉઘાડા પગે પહોંચ્યો તેનો ચાહક વેન્કટેશ
સોનુ સૂદને મળવા માટે તેનો એક પ્રશંસક વેન્કટેશ હૈદરાબાદથી મુંબઈ ઉઘાડા પગે પહોંચ્યો છે. તેના હાથમાં સોનુ સૂદનો ફોટો પણ છે. તેણે લગભગ ૭૦૦ કિલોમીટરનું અંતર ચાલીને કાપ્યું છે. સોનુ સૂદે તેનાં માટે ટ્રાન્સપોર્ટેશનની વ્યવસ્થા પણ કરી હતી, પરંતુ વેન્કટેશે ના પાડી દીધી હતી. સોનુ સૂદે દેશના જરૂરતમંદ લોકો માટે કરેલાં કાર્યોથી સૌકોઈ પ્રભાવિત છે. વેન્કટેશ સાથેનો ફોટો ટ્વિટર પર શૅર કરીને સોનુ સૂદે ટ્વીટ કર્યું હતું કે ‘વેન્કટેશ મને મળવા માટે હૈદરાબાદથી મુંબઈ ઉઘાડા પગે ચાલીને આવ્યો છે. મેં તેના માટે ટ્રાન્સપોર્ટેશનની વ્યવસ્થા પણ કરી હતી. જોકે તેણે એ સ્વીકારી નહીં. તે ખરેખર પ્રેરણાદાયી છે અને હું તેનાથી ખૂબ ખુશ થયો છું. તા.ક. આમ છતાં હું કોઈને પણ આવી તકલીફ લેવાની મનાઈ કરું છું.’