જયદીપે અંધેરીમાં ખરીદ્યો ૧૦ કરોડનો ફ્લૅટ

હાલમાં જયદીપે મુંબઈમાં પોતાનું ઘર ખરીદીને એક સપનું પૂરું કર્યું છે.

જયદીપ અહલાવત

જયદીપ અહલાવતની ગણતરી બૉલીવુડના ટૅલન્ટેડ કલાકાર તરીકે થાય છે. હાલમાં જયદીપે મુંબઈમાં પોતાનું ઘર ખરીદીને એક સપનું પૂરું કર્યું છે. હરિયાણાના રહેવાસી જયદીપે મુંબઈના અંધેરી-વેસ્ટ વિસ્તારમાં ૧૦ કરોડ રૂપિયાનો ફ્લૅટ ખરીદી લીધો હોવાના રિપોર્ટ છે. 

આ પ્રૉપર્ટી આ વિસ્તારના એક રેસિડેન્શિયલ પ્રોજેક્ટ પૂર્ણા અપાર્ટમેન્ટમાં છે. એનો કાર્પેટ એરિયા ૧૯૫૦ સ્ક્વેર ફીટ અને બિલ્ટ-અપ એરિયા ૨૧૭.૪૭ સ્ક્વેર મીટર છે. એની સાથે ૪ કાર-પાર્કિંગ એરિયા પણ સામેલ છે. આ પ્રૉપર્ટીની ડીલમાં રજિસ્ટ્રેશનના ૬૦ લાખ રૂપિયાની સ્ટૅમ્પ-ડ્યુટી ફી અને ૩૦,૦૦૦ રૂપિયાની વધારાની રજિસ્ટ્રેશન ફીનો પણ સમાવેશ કરવામાં આવ્યો હતો. જયદીપે જે વિસ્તારમાં ફ્લૅટ ખરીદ્યો છે એની ખાસ વાત એ છે કે એ વિસ્તાર વેસ્ટર્ન એક્સપ્રેસ હાઇવે, લિન્ક રોડ અને એસ. વી. રોડ સહિત ઘણા મુખ્ય રસ્તાઓ દ્વારા સારી રીતે જોડાયેલો છે.