તું મારા માટે સૌથી કીમતી આશીર્વાદ છે

કૅટરિના કૈફે પોતાની 43મી વર્ષગાંઠની ઉજવણીની ખાસ તસવીરો સોશિયલ મીડિયા પર શેર કરી છે. તસવીરોમાં તેણે પોતાના દીકરા સાથેની પ્રેમાળ ક્ષણો પણ શેર કરતાં લખ્યું કે, ‘તું મારા માટે સૌથી કીમતી આશીર્વાદ છે.’ ચાહકો આ પોસ્ટ પર ભરપૂર પ્રેમ વરસાવી રહ્યા છે.

કેટરિના કૈફ

કૅટરિના કૈફે ૪૩મી વર્ષગાંઠના સેલિબ્રેશનની તસવીરોમાં શૅર કરી દીકરા સાથેની ક્યુટ ક્ષણો

કૅટરિના કૈફે તાજેતરમાં ૧૬ જુલાઈએ પોતાની ૪૩મી વર્ષગાંઠ ઊજવી હતી. હવે કૅટરિનાએ પતિ વિકી કૌશલ અને ૮ મહિનાના દીકરા વિહાન કૌશલ સાથેના સેલિબ્રેશનની સુંદર ઝલક ચાહકો સાથે શૅર કરી છે. આ તસવીરોમાં સૌથી વધુ ધ્યાન ખેંચનાર તસવીરમાં કૅટરિના પોતાના દીકરા વિહાનના નાનકડા હાથને પ્રેમથી ચુંબન કરતી જોવા મળે છે. જોકે તેણે પુત્રનો ચહેરો છુપાવી રાખ્યો હતો. અન્ય એક તસવીરમાં વિહાન પોતાની મમ્મીનું નાક પકડતો જોવા મળે છે. આ ખાસ પળોને શૅર કરતાં કૅટરિનાએ લખ્યું, ‘તું મારા માટે સૌથી કીમતી આશીર્વાદ છે, જેના માટે હું હંમેશાં આભારી રહીશ. અત્યાર સુધીનો સૌથી સુંદર જન્મદિવસ.’