28 March, 2026 06:09 PM IST | Mumbai | Gujarati Mid-day Correspondent
માધુરી દીક્ષિત
માધુરી દીક્ષિતે લોઅર પરેલમાં એક કમર્શિયલ ઑફિસ-સ્પેસ લીઝ પર લીધી છે. પ્રૉપર્ટી ડૉક્યુમેન્ટ્સ મુજબ આ ઑફિસ પાંચ વર્ષ (૬૦ મહિના) માટે લેવામાં આવી છે અને કુલ ભાડું આશરે ૨.૮૧ કરોડ રૂપિયા નક્કી કરવામાં આવ્યું છે. આ કમર્શિયલ યુનિટ વન લોઢા પ્લેસમાં સ્થિત છે. એનો કાર્પેટ એરિયા આશરે ૭૩૧ સ્ક્વેર ફુટ છે. આ ડીલમાં એક કાર પાર્કિંગ-સ્પેસ પણ સામેલ છે. આ ટ્રાન્ઝૅક્શન માટે આશરે ૭૨,૬૦૦ રૂપિયા સ્ટૅમ્પ-ડ્યુટી અને ૧૦૦૦ રૂપિયા રજિસ્ટ્રેશન-ચાર્જ તરીકે ચૂકવવામાં આવ્યા છે. સાથે જ ૧૭ લાખ રૂપિયાની સિક્યૉરિટી ડિપોઝિટ પણ આપવામાં આવી છે.
ડૉક્યુમેન્ટ્સ અનુસાર ભાડાની શરૂઆત પ્રથમ વર્ષમાં દર મહિને ૪.૨૫ લાખથી થશે અને ત્યાર બાદ દર વર્ષે લગભગ પાંચ ટકાનો વધારો થશે. આમ ભાડું બીજા વર્ષે ૪.૪૬ લાખ પ્રતિ મહિના, ત્રીજા વર્ષે ૪.૬૮ લાખ પ્રતિ મહિના, ચોથા વર્ષે ૪.૯૧ લાખ પ્રતિ મહિના અને પાંચમા વર્ષે ૫.૧૬ લાખ પ્રતિ મહિના હશે. આ રીતે કુલ પાંચ વર્ષમાં ભાડાની રકમ ૨.૮૧ કરોડ રૂપિયા સુધી પહોંચશે.
