26 July, 2024 03:48 PM IST | Mumbai | Gujarati Mid-day Online Correspondent
તસવીર સૌજન્ય: ઇન્સ્ટાગ્રામ
બોલિવૂડના કોરિયોગ્રાફર અને દિગ્દર્શક ફરાહ ખાન અને સાજિદ ખાન પર દુ:ખનો પહાડ તૂટી પડ્યો છે. તેમના માતા મેનકા ઈરાની (Menka Irani Death)નું શુક્રવારે (26 જુલાઈ) મુંબઈમાં અવસાન થયું હતું. મીડિયા રિપોર્ટ્સ અનુસાર, તીસ માર ખાનના દિગ્દર્શકનાં માતા લાંબા સમયથી બીમાર હતાં, તે પહેલાં મુંબઈની નાણાવટી હૉસ્પિટલમાં સારવાર હેઠળ હતાં. આ પછી તેમની રજા આપવામાં આવી હતી અને ઘરે આવ્યાં હતાં, પરંતુ તેમની તબિયત ફરીથી બગડતાં તેમને અન્ય કોઈ હૉસ્પિટલમાં દાખલ કરવામાં આવ્યાં હતાં, જ્યાં તેમણે આજે અંતિમ શ્વાસ (Menka Irani Death) લીધાં હતાં.
ફરાહ ખાન અને સાજિદ ખાનની માતા (Menka Irani Death) ઉંમર સંબંધિત બીમારીઓથી પીડિત હતી. જોકે, તેમના મૃત્યુનું સાચું કારણ હજુ સુધી જાણી શકાયું નથી. આપને જણાવી દઈએ કે, દિવંગત મેનકા ઈરાની પ્રખ્યાત બાળ કલાકાર ડેઝી ઈરાની અને લેખિકા હની ઈરાની (જાવેદ અખ્તરનાં પૂર્વ પત્ની)નાં બહેન હતાં.
ફરાહની માતાએ તેમના જન્મદિવસના બે અઠવાડિયા બાદ જ દુનિયાને અલવિદા કહ્યું
તમને જણાવી દઈએ કે, ફરાહે આ પહેલાં 12 જુલાઈના રોજ તેની માતાના જન્મદિવસ પર એક ઇમોશનલ પોસ્ટ શેર કરી હતી, જેમાં તેણે તેને ઓળખતી `બહાદુર` વ્યક્તિ કહી હતી. ‘મૈં હૂં ના’ દિગ્દર્શકે ખુલાસો કર્યો કે તેમની માતાએ ઘણી સર્જરીઓ કરાવી હતી. ફરાહ ખાને તેમની માતા મેનકા ઈરાની સાથે તેના જન્મદિવસની શુભેચ્છા પાઠવતા બે તસવીરો પોસ્ટ કરી હતી, જ્યારે તેણીના જન્મદિવસની ઉજવણીના બે અઠવાડિયા પછી તેની માતાનું અવસાન થયું હતું.
ફરાહ ખાને તેની માતાને સૌથી બહાદુર વ્યક્તિ ગણાવી
ફરાહે પોતાની પોસ્ટમાં લખ્યું હતું કે, “આપણે બધા આપણી માતાઓને હળવાશ લઈએ છીએ... ખાસ કરીને હું! આ પાછલા મહિને એ વાતનો ખુલાસો કર્યો છે કે હું મારી માતા મેનકાને કેટલો પ્રેમ કરું છું... તે અત્યાર સુધીની સૌથી મજબૂત, બહાદુર મહિલા છે, જે મેં જોઈ છે. શું તમે ક્યારેય શસ્ત્રક્રિયા પછી પણ તમારી રમૂજની ભાવના અકબંધ રાખી શકો? ઘરે પાછું આવવા અને તમારી સાથે ફરીથી લડવા માટે હું રાહ જોઈ શકતી નથી.” કાજોલ, હુમા કુરેશી, ગૌહર ખાન, અભિષેક બચ્ચન, અનન્યા પાંડે, ભારતી સિંહે ફરાહની આ પોસ્ટ પર કૉમેન્ટ કરી હતી.
ફરાહે ઘણી જાણીતી ફિલ્મોનું નિર્દેશન કર્યું છે
ફરાહ ખાન ઈન્ડસ્ટ્રીમાં જાણીતું નામ છે. તેમણે ‘મૈં હું ના’, ‘ઓમ શાંતિ ઓમ’, ‘તીસ માર ખાન’ અને ‘હેપ્પી ન્યૂ યર’ જેવી મોટી ફિલ્મોનું નિર્દેશન કર્યું છે. તેમણે માત્ર શાહરૂખ ખાન સાથે ત્રણ ફિલ્મો કરી છે. ફરાહે પોતાના કરિયરની શરૂઆત ડાન્સ કોરિયોગ્રાફર તરીકે કરી હતી.