રવીના ટંડનનો અનોખી ડિઝાઇનવાળો નેકલેસ જોયો?

નીતા મુકેશ અંબાણી કલ્ચરલ સેન્ટરના ત્રણ વર્ષના ઉજવણી કાર્યક્રમમાં રવીના ટંડને હાજરી આપી હતી

રવીના ટંડનનું ‘માતા રાની’નું પેન્ડન્ટ ખાસ આકર્ષણનું કેન્દ્ર બન્યું હતું

હાલમાં નીતા મુકેશ અંબાણી કલ્ચરલ સેન્ટરના ત્રણ વર્ષના ઉજવણી કાર્યક્રમમાં રવીના ટંડને હાજરી આપી હતી. આ સમયે રવીનાએ પહેરેલા અનોખી ડિઝાઇનવાળા નેકલેસે બધાનું ધ્યાન ખેંચ્યું હતું. આ સમયે રવીનાએ ગળામાં શાનદાર સેફાયર નેકલેસ પહેર્યો હતો જેમાં ‘માતા રાની’નું પેન્ડન્ટ ખાસ આકર્ષણનું કેન્દ્ર બન્યું હતું. સેફાયર અને હીરાથી બનેલી આ જ્વેલરીને કારણે રવીનાનો લુક આધ્યાત્મિકતા અને ફૅશનનું અનોખું કૉમ્બિનેશન સાબિત થયો હતો. હાલમાં એક સોશ્યલ મીડિયા પોસ્ટમાં મૂકેલી તસવીરોમાં પણ રવીના આવી જ ડિઝાઇનના નેકલેસ સાથે જોવા મળી હતી.