મૅરેજ-ફંક્શનમાં હાજરી આપવા સલમાન અને શાહરુખ ખાન પહોંચ્યા દિલ્હી

બન્ને સ્ટાર્સ ભારે સુરક્ષા વચ્ચે કાર્યક્રમમાં આવ્યા હતા

સલમાન અને શાહરુખે દુલ્હા-દુલ્હન સાથે તસવીરો ક્લિક કરાવી

શનિવારે જાણીતી મીડિયા પર્સનાલિટી રજત શર્માની દીકરીનાં લગ્ન હતાં. આ ખાસ પ્રસંગે રજત શર્માએ દિલ્હીમાં ભવ્ય સમારોહનું આયોજન કર્યું હતું જેમાં બૉલીવુડથી લઈને રાજકારણ સુધીના અનેક જાણીતા લોકો હાજર રહ્યા હતા. આ પ્રસંગે સલમાન ખાન અને શાહરુખ ખાને ખાસ દિલ્હી જઈને ફંક્શનમાં હાજરી આપી હતી. આ સમયે સલમાન સાથે બહેન અર્પિતા ખાન અને બનેવી આયુષ શર્મા હાજર હતાં. શાહરુખે આ ફંક્શનમાં તેની મૅનેજર પૂજા દાદલાણી સાથે હાજરી આપી હતી.

સલમાન અને શાહરુખે દુલ્હા-દુલ્હન સાથે તસવીરો ક્લિક કરાવી. બન્ને સ્ટાર્સ ભારે સુરક્ષા વચ્ચે કાર્યક્રમમાં આવ્યા હતા અને તેમની હાજરીને કારણે સમગ્ર વેન્યુ પર કડક સુરક્ષા વ્યવસ્થા કરવામાં આવી હતી.