23 October, 2026 12:05 PM IST | Mumbai | Gujarati Mid-day Correspondent
સલમાન ખાન
સલમાન ખાન ગઈ કાલે સાંતાક્રુઝ-ઈસ્ટની ગ્રૅન્ડ હયાત હોટેલમાં યોજાયેલી ઇન્ટરનૅશનલ ઇન્ડિયન ફિલ્મ ઍકૅડેમી (IIFA) અવૉર્ડ્સની પ્રેસ-કૉન્ફરન્સમાં હાજરી આપવા પહોંચ્યો હતો. ટાઇગર શ્રોફ પર થયેલા હુમલા પછી આ પ્રેસ-કૉન્ફરન્સ દરમ્યાન સલમાન ટાઇટ સિક્યૉરિટીમાં જોવા મળ્યો હતો. આ પ્રસંગે તેણે ટૉર્ન જીન્સ, બ્લૅક ટી-શર્ટ અને બ્લુ બ્લેઝર પહેર્યાં હતાં. આ દરમ્યાન એક નાની બાળકી સલમાન પાસે આવીને તેને ગળે વળગી પડતાં સલમાન પણ સિક્યૉરિટીને પડતી મૂકીને તેને ગળે લગાવીને વહાલ કરે છે અને પછી તેને ઑટોગ્રાફ આપે છે. સલમાનનું આ વર્તન દર્શાવે છે કે તેને કોઈ ડર નથી. સલમાન આ પછી કરીના કપૂરને મળ્યો હતો, તેને ગળે લગાવી હતી અને પછી બન્નેએ સાથે ફોટો પડાવ્યા હતા.
