વિદ્યા બાલન છે મારો સાચો હીરો : તાપસી

તાપસી કહે છે કે એક અભિનેત્રી પોતાની તાકાતથી આખી ફિલ્મની વાર્તા આગળ લઈ જઈ શકે છે એ તેણે સાબિત કર્યું છે

તાપસી પન્નુ

તાપસી પન્નુએ હાલમાં વિદ્યા બાલનને તેની મોટી પ્રેરણા અને સાચો હીરો ગણાવી છે. તાપસીનું કહેવું છે કે વિદ્યાની ફિલ્મોએ તેની વિચારવાની રીત બદલી નાખી અને તેને ઇન્ડસ્ટ્રીમાં આગળ વધવાનો આત્મવિશ્વાસ આપ્યો.

તાપસીએ કહ્યું હતું કે ‘વિદ્યા બાલને માત્ર અભિનય જ નથી કર્યો, એ પણ સાબિત કર્યું છે કે એક અભિનેત્રી પોતાની તાકાતથી આખી ફિલ્મની વાર્તા આગળ લઈ જઈ શકે છે. મારા માટે વિદ્યા બાલન એક હીરો છે. તેની ફિલ્મોએ મને ખૂબ પ્રેરણા આપી. મેં જ્યારે ‘ધ ડર્ટી પિક્ચર’ અને ‘કહાની’ જેવી ફિલ્મો જોઈ ત્યારે મને સમજાયું કે સિનેમામાં મહિલાઓ માટે પણ મજબૂત અને અલગ પ્રકારની વાર્તાઓ બની શકે છે. જ્યારે હું હિન્દી ફિલ્મોમાં મારી કરીઅર શરૂ કરી રહી હતી ત્યારે ઘણી વાર મને લાગતું હતું કે એક અભિનેત્રીની કરીઅર કેટલા સમય સુધી ચાલે, પરંતુ વિદ્યા બાલનની ફિલ્મોની સફળતા જોઈને મારો દૃષ્ટિકોણ બદલાઈ ગયો.’